Ameríkuvegurinn
Ameríkuvegurinn er net samtengdra þjóðvega sem er um 30.000 km að lengd og nær frá Prudhoe Bay í Alaska til Ushuaia í Argentínu á syðsta odda Suður-Ameríku. Ameríkuvegurinn er stundum sagður vera lengsti þjóðvegur heims.[1] Hann tengir 14 lönd: Kanada, Bandaríkin, Mexíkó, Gvatemala, El Salvador, Hondúras, Níkaragva, Kosta Ríka, Panama, Kólumbíu, Ekvador, Perú, Síle og Argentínu.[2]
Upphaflega stakk Bandaríkjaþing upp á gerð járbrautar milli Ameríkulanda árið 1884, en framkvæmdir hófust aldrei og þegar vinna hófst við Panamaskurðinn 1903 var hætt við hugmyndina.[3] Á fimmtu Ráðstefnu Ameríkuríkja árið 1923 var ákveðið að gera heldur þjóðveg, þar sem bílar hefðu tekið við af járnbrautum sem meginaðferð við fólks- og vöruflutninga.[4] Formlegur samningur um gerð vegarins var hins vegar ekki samþykktur fyrr en árið 1937.[5] Mexíkó lauk fyrst við sinn hluta vegarins árið 1950.[6]
Enginn einn vegur í Bandaríkjunum (fyrir utan Alaska) er merktur Ameríkuveginum, en I-25 er merktur þannig í sumum fylkjum, eins og Nýju-Mexíkó og Colorado. Hann er hins vegar víðast hvar merktur sem Vía Panam eða Vía Panamericana í Suður-Ameríku. Vegurinn er ekki alveg samfelldur. Um 106 km vantar upp á tenginguna milli Norður- og Suður-Ameríku við Darién-bilið í Panama, þar sem ógreiðfær skógi vaxin fjöll hindra veglagningu.[7]
Tilvísanir
[breyta | breyta frumkóða]- ↑ „Longest Road in the World“. Popular Mechanics. mars 1943.
- ↑ Alikpala, Gidget (11 apríl 2023). „Where does the Pan-American Highway start and finish? How long is it?“. AS USA (bandarísk enska). Sótt 2. desember 2024.
- ↑ Dent, David W. (2008). Hot spot: Latin America. Westport, Connecticut: Greenwood Press. bls. 84. ISBN 978-0-313-33661-4.
- ↑ „U.S. Gives Road Building Tips at Pan-American Meet“. Chicago Daily Tribune. 4 október 1925. bls. 2.
- ↑ „Convention en vue de l'etablissement d'une route panaméricaine, adoptée par la Conference interaméricaine pour le maintien de la paix“ (PDF). Þjóðabandalagið. 1937. bls. 99–124.
- ↑ „Highway Run“. Harper's. júlí 2006. bls. 70–80.
- ↑ Millán Valencia, Alejandro (31 janúar 2018). „El infierno de cruzar el Tapón del Darién, la región más intransitable y peligrosa de América Latina (que corta en dos la ruta Panamericana)“. BBC. Afrit af uppruna á 4 apríl 2023.
