Amapá
Amapá er eitt af 26 fylkjum Brasilíu. Stærð er nálægt 143.000 ferkílómetrum og eru íbúar um 734.000 (2022). Það er í norðurhluta landsins og á landamæri að Frönsku Gvæjönu í norðri, Súrínam í norðvestri og fylkinu Pará í suðri og vestri. Höfuðborgin og stærsta borgin er Macapá. Amasónfrumskógurinn þekur 90% af svæði þess. Þar eru þjóðgarðar eins og Tumucumaque og Cabo Orange.
Á nýlendutímanum var heitið á fylkinu Portúgalska Gvæjana. Amapá varð fylki árið 1988. [1]