A Very Gaga Holiday er lifandistuttskífa bandarísku söngkonunnar Lady Gaga. Platan inniheldur lög sem Gaga flutti í sjónvarpsþættinum A Very Gaga Thanksgiving á ABC.[1] Hún var gefin út í Bandaríkjunum 22. nóvember 2011, eingöngu á iTunes Store og Amazon, og 26. nóvember í öðrum löndum. EP-platan samanstendur af djassútgáfum af lögunum „Orange Colored Sky“ og „White Christmas“, ásamt órafmögnuðum útgáfum af lögunum „You and I“ og „The Edge of Glory“, sem bæði eru upprunalega á plötunni Born This Way (2011).[2]
Eftir útgáfu A Very Gaga Holiday fékk platan misgóða dóma gagnrýnenda.[3] Hún komst á vinsældalista í Bandaríkjunum, Frakklandi og Kanada, en „White Christmas“ komst á smáskífulista í Belgíu, Bretlandi og Japan.[4]
