Π dagur

Úr Wikipediu, frjálsa alfræðiritinu
Stökkva á: flakk, leita
Vegna tæknilegra takmarkana er titillinn á grein þessari rangur. Rétti titillinn er π dagur.

Tveir dagar eru kenndir við π: π dagur og Nálgunardagur π. Dagar þessir eru ekki opinberir hátíðisdagar.

π dagur[breyta]

14. mars er haldið upp á π dag. Ástæðan fyrir því að þessi dagur er valinn fram yfir aðra er sú að π námunduð að tveimur aukastöfum er 3,14, og þar sem mars er þriðji mánuðurinn varð fjórtándi þess mánaðar fyrir valinu.

Margur lætur þó ekki 14. mars nægja heldur skoðar π með fimm aukastöfum (3,14159) og heldur upp á daginn þegar eina mínútu vantar í tvö um nóttina (klukkan 1:59). Á tímapunkti þessum hefjast teiti í stærðfræðideildum ýmissa skóla víðsvegar um heim.

Nálgunardagur π[breyta]

22. júlí er svo haldið upp á Nálgunardag π. Þessi dagsetning er í sumum dagsetningarsniðum skrifuð 22/7 en brotið \frac{22}{7} er algeng nálgun á π.