Þrjú á palli - Þið munið hann Jörund - Eitt sumar á landinu bláa

Úr Wikipediu, frjálsa alfræðiritinu
Jump to navigation Jump to search
Þrjú á palli - Eitt sumar á landinu bláa
Forsíða Þrjú á palli - Þið munið hann Jörund - Eitt sumar á landinu bláa

Bakhlið Þrjú á palli - Þið munið hann Jörund - Eitt sumar á landinu bláa
Bakhlið

Gerð SG - 025
Flytjandi Þrjú á palli
Gefin út 1970
Tónlistarstefna Þjóðlög
Útgáfufyrirtæki SG - hljómplötur
Upptökustjórn Þórir Baldursson

Þrjú á palli - Eitt sumar á landinu bláa er 33 snúninga LP hljómplata gefin út af SG - hljómplötum árið 1970. Á henni flytja Þrjú á palli söngva úr leikriti Jónasar Árnasonar, „Þið munið hann Jörund“. Ljóðin eru eftir Jónas Árnason, en lögin eru fyrst og fremst írsk þjóðlög, en þó einnig skosk og ensk. Hljómplatan var hljóðrituð í Marquee-studio í London. Þórir Baldursson hafði umsjón með hljóðritun og útsetti jafnframt fyrir þau aukahljóðfœri, sem heyrast í fáeinum laganna. Aðrar útsetningar gerði Páll Einarsson. Steinþór Sigurðsson leikmyndateiknari átti hugmyndina að framhlið plötuumslagsins og valdi muni þá sem eru á mynd, en muni þessa lánaði Þjóðminjasafn Íslands góðfúslega. Myndina tók Kristján Magnússon.

Lagalisti[breyta | breyta frumkóða]

  1. ...Sem kóngur ríkti hann Hljóðdæmi 
  2. Hæ, hoppsa-sí
  3. Hífum í bræður
  4. Hásætisræða Jörundar
  5. Hæ, hoppsa-sa
  6. Í sal hans hátignar
  7. Ó, ég dái þig
  8. Vöggusöngur Völu
  9. Barbara
  10. Landsreisa Jörundar
  11. Sigur að kveldi
  12. Djúpt á meðal dauðra
  13. ...Eitt sumar á landinu bláa

Textabrot af bakhlið plötuumslags[breyta | breyta frumkóða]

Söngflokkinn Þrjú á palli skipa þau Troels Bendtsen, Edda Þórarinsdóttir og Helgi R. Einarsson. Flokkurinn varð til og fékk jafnframt heiti sitt vegna tilvistar sinnar í leikriti Jónasar, þvi hann stendur á palli til hliðar við sviðið í Iðnó og rekur að nokkru leyti sögu Jörundar í söngvum sínum, en þeir eru þrettán og eru allir á þessari hljómplötu. Troels er kunnur fyrir söng sinn með hinu gamalkunna Savannatríói, en Edda og Helgi eru lítt kunn fyrir söng af þessu tagi, þó bœði hafi þau lítið eitt fengist við hann. En Edda er annars leikkona og Helgi nemandi í Kennaraskólanum. Má vafalaust búast við því, að þessi ágœti söngflokkur láti talsvert að sér kveða í framtiðinni.