Þingeyjarsveit

Úr Wikipediu, frjálsa alfræðiritinu
Útgáfa frá 7. júní 2021 kl. 10:53 eftir Bjarki S (spjall | framlög) Útgáfa frá 7. júní 2021 kl. 10:53 eftir Bjarki S (spjall | framlög)
Þingeyjarsveit
Staðsetning
Staðsetning
LandÍsland
KjördæmiNorðausturkjördæmi
ÞéttbýliskjarnarLaugar (íb. 109)
Stjórnarfar
 • SveitarstjóriDagbjört Jónsdóttir
Flatarmál
 • Samtals12.021 km2
 • Sæti1. sæti
Mannfjöldi
 (2023)
 • Samtals1.393
 • Sæti29. sæti
 • Þéttleiki0,12/km2
Póstnúmer
601, 641, 645, 650
Sveitarfélagsnúmer6612
Vefsíðahttp://www.thingeyjarsveit.is

Þingeyjarsveit er sveitarfélag á Norðurlandi eystra, kennt við Þingey í Skjálfandafljóti.

Sveitarfélagið varð til 9. júní 2002 við sameiningu fjögurra hreppa: Ljósavatnshrepps, Bárðdælahrepps, Hálshrepps og Reykdælahrepps. Í kjölfar atkvæðagreiðslu 26. apríl 2008 sameinaðist Þingeyjarsveit svo Aðaldælahreppi.

Þingeyjarsveit er víðfeðm en byggð takmarkast við Fnjóskadal, Ljósavatnsskarð, Köldukinn, Bárðardal, Laxárdal, Aðaldal og Reykjadal en á síðastnefnda staðnum er þorpið Laugar. Megnið af landi sveitarfélagsins er í óbyggðum og nær það alveg inn á Vatnajökul. þrjú stór vatnsföll renna um Þingeyjarsveit, Laxá í Laxárdal, Fnjóská í Fnjóskadal og Skjálfandafljót í Bárðardal. Í því síðarnefnda er Goðafoss nálægt Fosshóli við Þjóðveg 1. Í Fnjóskadal er Vaglaskógur, vinsælt útivistarsvæði.

Á Stórutjörnum í Ljósavatnsskarði, á Hafralæk í Aðaldal og á Laugum í Reykjadal eru reknir grunnskólar og á Laugum er einnig framhaldsskóli.

Í atkvæðagreiðslu 5. júní 2021 samþykktu íbúar sveitarfélagsins sameiningu við Skútustaðahrepp með 65,2% greiddra atkvæða.[1]

Heimildir

  1. „Skútustaðahreppur og Þingeyjarsveit sameinast“ - Vikublaðið, 7. júní 2021.