Þúsaldarkynslóðin

Skýringarmynd af hefbundnum skilgreiningum á kynslóðum fólks á vesturlöndum.

Þúsaldarkynslóðin, einnig þekkt sem Y-kynslóðin, aldamótakynslóðin eða samkvæmt enska heitinu millennials er kynslóð fólks sem kom á eftir X-kynslóðinni og á undan Z-kynslóðinni. Samkvæmt flestum skilgreiningum á nær hún yfir það fólk sem fætt er á 9. áratug 20. aldar og fyrri hluta þess 10. Algengt er að miða við fæðingarárganga frá 1981 til 1996. Foreldrar flestra af þúsaldarkynslóðinni tilheyra eftirstríðskynslóðinni, en fólk af þúsaldarkynslóðinni er sjálft foreldrar barna sem flest tilheyra svonefndri Alfa-kynslóð.

Þessi kynslóð fólks var sú fyrsta til að alast upp með internetinu og hefur því því einnig verið lýst sem fyrstu hnattvæddu kynslóðinni. Eins og kynslóðirnar sem hafa komið í kjölfarið er hún vön að nýta sér internetið, snjalltæki og samfélagsmiðla.

Þessari kynslóð fólks hefur þó einnig verið lýst sem óheppinni þar sem endurteknar efnahagskreppur hafa riðið yfir eftir að hún fór að koma inn á vinnumarkað, t.d. fjármálakreppan 2008 og kreppan vegna heimsfaraldurs Covid-19. Á heimsvísu einkennir það kynslóðina að hún gengur síðar og síður í hjónaband en þeir sem eldri eru og eignast færri börn.