Þór Heimir Vilhjálmsson

Þór Heimir Vilhjálmsson (1930-2015) var íslenskur lögfræðingur og dómari.

Þór fæddist í Reykjavík þann 9. júní 1930 og varð stúdent frá Menntaskólanum í Reykjavík árið 1949, hann lauk embættisprófi frá lagadeild Háskóla Íslands árið 1957. Þór hóf störf hjá Borgardómi Reykjavíkur árið 1960 starfaði þar í sjö ár, hann var skipaður prófessor við Lagadeild Háskóla Íslands árið 1967 en lét af þeim störfum við skipan hans sem hæstaréttardómara árið 1976.

Hann var skipaður dómari við Mannréttindadómstól Evrópu árið 1971 og gegndi því starfi til ársins 1998, þá var hann dómari við EFTA-dómstólinn 1994-2002 og forseti hans frá 2000.