Ólsen ólsen

Úr Wikipediu, frjálsa alfræðiritinu
Jump to navigation Jump to search
Áttan breytir lit í ólsen ólsen og dregur spilið nafn sitt af henni í ýmsum tungumálum.

Ólsen ólsen er spil, spilað með venjulegum fimmtíu og tveggja spila spilastokki. Markmiðið með leiknum er að losa sig við öll spil á hendi og sá sem gerir það fyrstur vinnur.

Hvernig er spilað[breyta | breyta frumkóða]

Leikendum eru gefin fimm spil hverjum og síðan bunkinn settur á mitt borðið við hliðina á einu spili sem snýr upp. Sá byrjar sem er á vinstri hönd þess sem gefur og spilað er réttsælis. Sá sem byrjar verður að setja niður spil af sömu sort og snýr upp og aðeins eitt í einu. Tvær leiðir eru til að skipta um sort. Það má breyta með áttu eða ef maður á tvö eða fleiri spil að sömu hæð (til dæmis tvær tíur eða þrjá gosa) má setja þau öll út og verður þá það spil sem er efst nýja sortin.

Ef leikandi getur ekkert gert dregur hann allt að þrisvar og ef hann getur ennþá ekkert gert eftir það, segir hann pass og þá á hinn að gera. Enn fremur verður að segja „ólsen“ þegar maður getur lokað, annað hvort þegar maður er aðeins með eitt spil eftir á hendi eða til dæmis tvö eins (tvær tíur sem dæmi) og „Ólsen ólsen“ þegar maður leggur niður síðasta spilið (eða spilin) og sigrar.

Wiki letter w.svg  Þessi grein er stubbur. Þú getur hjálpað til með því að bæta við greinina.