Óli H. Þórðarson

• 
  Óli H. Þórðarson ásamt eiginkonu sinni Þuríði Önnu Steingrímsdóttur

Óli H. Þórðarson, fæddur á Þórshöfn á Langanesi árið 1943, hefur átt farsælan feril í umferðaröryggismálum á Íslandi. Árið 1978 var Óli H. skipaður framkvæmdastjóri Umferðarráðs af Ólafi Jóhannessyni þáverandi dómsmálaráðherra og gegndi því starfi til ársins 2006. Árið 2002 var hann einnig skipaður formaður ráðsins og gegndi því hlutverki samhliða framkvæmdastjórastöðunni.

Á starfsferli sínum lagði Óli mikla áherslu á bætta umferðarmenningu og öryggi vegfarenda. Hann var ötull talsmaður fyrir skyldubundinni notkun bílbelta og ökuljósa allan sólarhringinn, sem síðar voru lögfest með góðum árangri. Þá var hann virkur í alþjóðlegu samstarfi um umferðaröryggismál og tók þátt í starfi Norræna umferðaröryggisráðsins (NTR) allan sinn starfsferil. Árið 2006 var hann heiðraður af NTR fyrir mikilvægt framlag sitt til umferðaröryggis á Norðurlöndum. 17. apríl 2013 fékk hann heiðursverðlaun samfélagsverðlauna Fréttablaðsins og 17. júní sama ár var Óli H. sæmdur riddarakrossi Hinnar íslensku fálkaorðu, fyrir framlag sitt til öryggismála og umferðarmenningar.

Eftir að Óli hætti störfum hjá Umferðarráði hefur hann unnið að eigin vegum að umfangsmikilli rannsókn á banaslysum í umferðinni frá upphafi bílaaldar á Íslandi, og jafnframt skráningu umferð­artengdra atburða í það sem hann kallar drög að Umferðarsögu Ís­lands.

Áður en Óli hóf að helga umferðarmálum krafta starfa sína starfaði hann m.a hjá Málaranum, Áburðarverksmiðju ríkisins og Hraðfrystistöðinni í Reykjavík. Hann var einnig ötull dagskrárgerðarmaður hjá Ríkisútvarpinu þar sem hann var með blandað efni í útvarpi og sjónvarpi. Óli H. stjórnaði meðal annars þáttunum Stiklur, Í vikulokin og á grænu ljósi, til að nefna einhverja Hann setti einnig á laggirnar Útvarp Umferðarráðs

Í grein Valgarðs Briem 5. mars 2007 ritar hann „útvarpsþættir Óla eru minnisstæðir, ávallt efnisríkir, alltaf prúðmannlegir svo að eftir var tekið”.

Hann var afar virkur í félagsmálum Óli H. var formaður Ungmenna­félags Reykdæla þegar hann var átján ára, formaður skóla­félagsins í Bifröst, Nemendasambands Sam­vinnuskólans og Félags dagskrárgerðarmanna við útvarp og sjónvarp, fyrsti formaður Félags forstöðumanna ríkisstofnana og sat í stjórn 1987-2007. Eftir að hann lét af störfum sökum aldurs setti hann á laggirnar Félagsskap fyrrverandi forstöðumanna.

Þá hefur hann einnig verið ötull við að semja tónlist. Í nóvember 2024 kom út platan „Til þín ástin mín” sem hann tileinkar eiginkonu sinni Þuríði Önnu Steingrímsdóttur, er lést þann 30. nóvember 2024.

Geisladiskur með lögum eftir Óla H. Þórðarson

Geisladiskur með lögum eftir Óla H. Þórðarson

Nr.	Titill	Lagatexti	Söngvari	Lengd
1.	„Þú komst um kvöld “	Ólafur Gaukur Þórhallsson (1930-2011)	Svanhildur Jakobsdóttir	2:42
2.	„Þórshöfn minninganna“	Páll Jónasson í Hlíð (f.1947)	Ellert Borgar Þorvaldsson
3.	„Borgarfjarðarminning“	Böðvar Guðmundsson frá Kirkjubóli (f. 1939)	Stefán Helgi Stefánsson Íslandi og Davíð Ólafsson
4.	„Reykholt Snorra“	Pétur Bjarnason (f.1941)	Tinna Árnadóttir og Einar Clausen
5.	„Nýársball í Logalandi“	Unnur Halldórsdóttir (f.1953)	Guðmundur Ingi Þorvaldsson.	2:38
6.	„Ástin kviknar“	Sólveig Björnsdóttir (f.1958)	Vala Eiríks [Valdís Eiríksdóttir]
7.	„Bænavers“	Sigurður Jónsson á Presthólum (1590-1661) Hallgrímur Pétursson sálmaskáld (1614-1674) Hjálmar Jónsson fv. dómkirkjuprestur (f.1950)	Kristján Jóhannsson, óperusöngvari
8.	„Djass fyrir Þurý“			2:14
9.	„Gjöfin“	Úlfur Ragnarsson (1923-2008)	Stefanía Valgeirsdóttir og Eiríkur Hreinn Helgason
10.	„Haust“	Valgarð Briem  (1925-2019)	Daníel Arason, Sigurgrímur Árni Ingimarsson, Bjarni Atlason, Valdimar Hilmarsson, Stefán Helgi Stefánsson (Íslandi), Davíð Ólafsson
11.	„Kertaljós á aðventu“	Bjartmar H. Hannesson (f. 1950)	Einar Ágúst [Víðisson]
12.	„Lífið það er lítils virði án þín“	Ellert Borgar Þorvaldsson (f.1945)	Stefán Helgi Stefánsson Íslandi og Davíð Ólafsson
13.	„Sumarsólstöður“	Sólveig Björnsdóttir (f.1958)	Tinna Árnadóttir og Þorbjörn Rúnarsson
14.	„Til þín ástin mín“	Viktor A. Guðlaugsson (f.1943)	Stefán Helgi Stefánsson Íslandi
15.	„Uppblástur“	Sigurður Jónsson frá Brún (1898-1968)	Arnar Freyr Gunnarsson	2:26
16.	„Vinsamleg tilmæli“	Bjarni Sigurðsson Lyngholt (1871-1942)	Friðjón Jóhannsson