Varðskipið Óðinn (1960)
 | |
| Skipstjóri: | |
| Útgerð: | LHG |
| Þyngd: | 910 brúttótonn |
| Lengd: | 63,68 m |
| Breidd: | 10 m |
| Ristidýpt: | 5.5 m |
| Vélar: | B&W V.B.F 62 x 2 2096 kW |
| Siglingahraði: | 18 mílur sjómílur |
| Tegund: | Varðskip |
| Bygging: | 1960 |
Varðskipið Óðinn er fyrrum varðskip sem þjónaði Landhelgisgæslu Íslands frá 1960 til 2006. Það var þriðja skip landshelgisgæslunar til að bera nafnið. Skipið er í dag safnskip og staðsett í Reykjavíkurhöfn.[1]
Skipið var sjósett árið 1959 og tekið í notkun af Landhelgisgæslunni í janúar 1960.[2] Sem varðskip þjónaði það í öllum þremur Þorskastríðunum á milli Íslands og Bretlands. Skipið reyndist einnig vel sem björgunarskip en það dró í kringum 200 skip til lands eða í landvar í kjölfar bilana, eldsvoða eða veiðarfæra í skrúfu. Einnig dró Óðinn fjórtán sinnum skip úr strandi. Þrisvar sinnum bjargaði það áhöfnum strandaðra skipa, meðal annars af Notts County, og tvisvar bjargaði það áhöfnum sökkvandi skipa.[3]
Safnskip
[breyta | breyta frumkóða]Árið 2008 var skipið gefið Hollvinasamtökum Óðins og fært á Sjóminjasafn Reykjavíkur. Árið 2014 hófst vinna við að koma skipinu í sjófært ástand og árið 2020 sigldi skipuð úr Reykjavíkurhöfn í fyrsta sinn í meira en áratug. Árið 2022 fékk skipið aftur haffærisskírteini.[4]
Þann 11. júní 2022, sigldi skipið með Guðna Th. Jóhannesson, forseta Íslands, og Suzuki Ryotaro, sendiherra Japans á Íslandi, til Grindavíkur í tilefni Sjómannadagsins.[5]
Á hvíta tjaldinu
[breyta | breyta frumkóða]Óðinn, ásamt Tý, voru notaðir sem sviðsmynd í kvikmyndinni Flags of Our Fathers, sem leikstýrt var af Clint Eastwood, þegar hún var tekin upp á Íslandi sumarið 2005.[6]
Heimildir
[breyta | breyta frumkóða]- ↑ Hallur Már Hallsson (11. maí 2020). „Óðinn sigldi á ný“. Morgunblaðið. Sótt 18. janúar 2022.
- ↑ Páll Jónsson (9 janúar 1960). „Óðinn í reynslu alla næstu viku“. Morgunblaðið. bls. 2. Sótt 26 apríl 2025 – gegnum Tímarit.is.
- ↑ „Safnskipið Óðinn“. Borgarblöð. 8 janúar 2018. Afrit af upprunalegu geymt þann 18 júní 2025. Sótt 26 apríl 2025.
- ↑ Guðjón Guðmundsson (9 júní 2022). „Siglt til Grindavíkur á hátíð sjómanna“. Fiskifréttir. Viðskiptablaðið. Sótt 12 júní 2022.
- ↑ Urður Örlygsdóttir (12 júní 2022). „Forsetinn sjóveikur í hátíðarsiglingu Óðins“. RÚV. Sótt 12 júní 2022.
- ↑ „Ættu frekar að vera við eftirlit“. Morgunblaðið. 16. ágúst 2005. Sótt 18. janúar 2022.
