Fara í innihald

Áttæringur

Úr Wikipediu, frjálsa alfræðiritinu
Áttæringur (átta manna far) frá Færeyjum.

Áttæringur er árabátur sem róið er með átta árum.[1] Hugtakið er aðallega notað um hefðbundna súðbyrta árabáta frá Norðurlöndum. Áttæringur er með átta ræði þar sem yfirleitt róa átta menn, einn á hvort borð, með stýrimann í skut. Stundum er sett barkaþófta með keipum aftan við barkarúmið fremst þar sem einn getur róið með ár í hvorri hendi og verður báturinn þá tíróinn áttæringur. Flestir áttæringar hafa verið búnir seglum af ýmsu tagi, meðal annars spritseglum og loggortuseglum, og geta verið tvísigldir.

Rúm og þóftur í áttæringi nefnast barkarúm (fremst), andófsþófta, andófsrúm, fyrirrúmsþófta, fyrirrúm, miðskipsþófta, miðrúm, austurrúmsþófta, austurrúm og bitaþófta aftast.[2][3]

Frægir áttæringar á Íslandi eru meðal annars hákarlaskipið Ófeigur og grindvíska skipið Óskabjörninn. Ófeigur var með þversegl (skautasegl). Árið 2023 stóðu „Hollvinasamtök áttæringsins“ fyrir smíði 11 metra langs áttærings sem var afhjúpaður á sjómannadaginn í Grindavík.[4]

Tilvísanir[breyta | breyta frumkóða]

  1. „Íslensk nútímamálsorðabók“. islenskordabok.arnastofnun.is (enska). Sótt 29. ágúst 2023.
  2. Magnús Guðmundsson (1969). „Endurminningar (2. hluti)“. Blik.
  3. „Byggðasafn Vestfjarða“. List fyrir alla.
  4. Sigurbjörn Daði Dagbjartsson (7. júní 2023). „Nýr áttæringur í Grindavík“. Víkurfréttir.
  Þessi grein er stubbur. Þú getur hjálpað til með því að bæta við greinina.