Ástríkur gallvaski! (bók)
Ástríkur gallvaski! er myndasaga eftir René Goscinny og Albert Uderzo sem var fyrst birt sem framhaldssaga í tímaritinu Pilote frá Dargaud í október 1959.[1][2] Sagan kom svo út í bók árið 1961. Sagan fjallar um Gallann Ástrík gallvaska sem býr í þorpi einu í Armoríku sem enn veitir yfirráðum Rómverja mótspyrnu. Ástæðan er töfraseyði sem veitir Göllunum ofurmannlegan styrk. Aðalpersónur bókarinnar eru Ástríkur og vinur hans Steinríkur. Rómverjar ræna seiðkarli þorpsins, Sjóðríki, og Ástríkur og Steinríkur verða að frelsa hann áður en Rómverjar leggja þorpið þeirra undir sig.
Þetta er fyrsta bókin í bókaröðinni Ástríkur og víðfræg afrek hans. Bókin kom út á íslensku hjá Fjölva í þýðingu Þorbjörns Magnússonar í mjúku broti árið 1974, ásamt bókunum Ástríkur og Kleópatra og Ástríkur í Bretalandi.[3] Árið 1967 kom út teiknimynd gerð eftir bókinni af teiknimyndaverinu Belvision, án samþykkis Goscinnys og Uderzos. Eftir það höfnuðu þeir öllum teiknimyndum nema þeir fengju sjálfir að taka þátt í gerð þeirra.[4] Árið 1999 var bókin valin á lista Le Monde yfir 100 minnisstæðustu bækur 20. aldar.
Myndasögurnar á íslensku
[breyta | breyta frumkóða]Froskur útgáfa hefur verið að gefa út þýddar sögur um Ástrík Galvaska,[5] en áður hafði forlagið Fjölvi verið að þýða og gefa út sögur úr þessari seríu.[6]
Tilvísanir
[breyta | breyta frumkóða]- ↑ „Astérix le Gaulois – Astérix – Le site officiel“. www.asterix.com (franska). Afrit af upprunalegu geymt þann 18. mars 2023. Sótt 3 október 2018.
- ↑ „Asterix: Asterix The Gaul: Album 1 by Rene Goscinny – Books“. Afrit af upprunalegu geymt þann 4 október 2018. Sótt 3 október 2018.
- ↑ Sveppagreifinn (20. september 2019). „129. Eilítið um íslensku Ástríksbækurnar“. Hrakfarir og heimskupör.
- ↑ Daniel Couvreur, Belvision, « Le Hollywood européen du dessin animé », Le Lombard, 2013.
- ↑ „Ástríkur Archives“. barnabok.is. Sótt 10 ágúst 2026.
- ↑ „Asterix around the World - the many Languages of Asterix“. www.asterix-obelix.nl. Sótt 10 ágúst 2026.
