Ármann á Alþingi

Úr Wikipediu, frjálsa alfræðiritinu
Jump to navigation Jump to search

Ármann á Alþingi var baráttu-, menningar- og þjóðmálarit sem gefið var út af Baldvin Einarssyni og Séra Þorgeiri Guðmundssyni í sjálfstæðisbaráttu Íslands. Útgáfan hófst 1830, aðeins 21 ári eftir skammlíft sjálfstæði Íslands byltingarsumarið 1809, þegar Jørgen Jørgensen lýsti landið frjálst og fullvalda ríki úr lögum við Danmörk. Tímaritið var gefið út í Danmörku og var efnið oft í formi samtala á milli ólíkra stétta. Yfirlýst markmið útgefenda var m.a. að endurreisa Alþingi Íslendinga.

Í fyrsta hefti Fjölnis, sem kom út árið 1835, skrifar Tómas Sæmundsson ávarp til lesanda og þjóðarinnar. Þar minnist hann á Landsuppfræðingarfélagið, sem gaf út nokkur tímarit, og viðhefur frekar jákvæð orð um starf þess. Síðan minnist hann einnig á tímaritið Ármann á Alþingi, og talar um fórnfýsi Baldvins Einarssonar. Hann segir m.a.:

Auk þeirra tímarita, sem nú eru talin, hafa ekki enn komið út nema eitt ársrit. Það var Ármann á alþingi, sem einkanlega átti að vera búskaparrit, en þaraðauki ætlaður til að vekja andann í þjóðinni, og minna hana á, að meta sig réttilega. Það mundi líka hafa heppnast, hefði sá lifað sem mestan átti þátt í bókinni; því hann var svo gagntekinn af ást á sinni fósturjörðu, og bar hana fram í svo einfaldri mælsku, að Önundur – hvað þá aðrir – hefðu með tímanum orðið að sætta sig við hann. Nú er Ármann lagstur í dá, svo við í fyrra vissum ekki vonir annara rita en Skírnis, sem er tómt fréttablað, einsog fyrr er ávikið. [1]

Eitt og annað[breyta | breyta frumkóða]

Tilvísanir[breyta | breyta frumkóða]

  1. Fjölnir 1835

Tengill[breyta | breyta frumkóða]

News.png  Þessi dagblaðs eða tímaritagrein er stubbur. Þú getur hjálpað til með því að bæta við greinina.