Árásir Bandaríkjanna á Venesúela 2026

Árásir Bandaríkjanna á Venesúela
Kort af árásunum
Dagsetning 3. janúar 2026 (2026-01-03) Staðsetning Venesúela Niðurstaða Nicolás Maduro og Cilia Flores handsömuð og flutt til Bandaríkjanna.
Stríðsaðilar
Bandaríkin	Venesúela
Leiðtogar
Donald Trump	Nicolás Maduro

Nicolás Maduro færður um borð í herskipið USS Iwo Jima.

Þann 3. janúar 2026, réðst bandaríkjaher til atlögu á Venesúela í aðgerð sem kennd er við Operation Absolute Resolve. Herinn gerði árásir á meira en tug skotmarka í norðurhluta landsins, aðallega á herstöðvar og flugvelli. Aðgerðin var sú stærsta sem Bandaríkin hafði íhlutast í frá því að þau steyptu forseta Panama af stóli árið 1989. Í aðdraganda árásanna höfðu Bandaríkin lagt hald á venesúelsk olíuskip og gert árásir á smábáta sem þau töldu standa í fíkniefnainnflutningi.

Forseti landsins, Nicolás Maduro var handsmaður ásamt eiginkonu sinni og þau flutt um borð í herskip. Þaðan var þeim flogið til New York og þau fangelsuð.

Hátt í 60 létust í árásunum og greindi Kúba frá að 32 hermenn þeirra hefðu látist í þeim. Að minnsta kosti 24 líf- og öryggisverðir Maduros létust í árásunum. Einnig létust almennir borgarar.

Varaforseti Venesúela, Delcy Rodríguez, sagði handtökuna vera mannrán. Hún var skipuð forseti landsins eftir aðgerðirnar.

Trump hefur sagt að Bandaríkin taki stjórn yfir landinu og að bandarísk olíufyrirtæki myndu auka framleiðslu olíu í Venesúela en landið er með mestu hráolíulindir heims.