1906

Ár

1903 1904 1905 – 1906 – 1907 1908 1909

Áratugir

1891–1900 – 1901–1910 – 1911–1920

Aldir

19. öldin – 20. öldin – 21. öldin

Bygging Landsbókasafnsins hófst þetta ár og lauk 1908.

San Francisco var að miklu leyti í rústum eftir jarðskjálftann.

Árið 1906 (MCMVI í rómverskum tölum)

Á Íslandi

26. janúar - Verkamannafélagið Dagsbrún var stofnað í Reykjavík.
Janúar - Kosið í fyrsta sinn í bæjarstjórnarkosningum í Reykjavík með hlutbundnum og leynilegum kosningum eftir að bæjarstjórnarlögum hafði verið breytt.
17. febrúar - Fyrsta fréttamyndin í íslensku blaði birtist í Ísafold. Það var teikning af Friðriki 8. Danakonungi að flytja ávarp.
7. apríl - Í aftakaveðri fórust þrjú skip á Faxaflóa: Ingvar með 20 manna áhöfn hjá Viðey og Emilie og "Sophia Wheatly" hvor með 24 mönnum vestur undir Mýrum. Öll skipin voru frá Reykjavík.
23. ágúst - Lokið var við að leggja sæstreng milli Seyðisfjarðar og Færeyja þann og það barst fyrsta símskeytið til Íslands
23. september - Hornsteinn var lagður að húsi landsbókasafnsins á Arnarhólstúni (nú Þjóðmenningarhússins).
29. september - Lagningu landssíma milli Reykjavíkur og Seyðisfjarðar lokið og Landsími Íslands tók til starfa. Fyrsta símskeytið var sent til konungs frá Hannesi Hafstein ráðherra.
2. október - Fyrsta íslenska dagblaðið kom út í Reykjavík. Það hét Dagblaðið og kom út daglega í þrjá mánuði.
18. október - Stórbruni á Akureyri. Sjö hús brunnu og um 80 manns misstu heimili sín.
3. nóvember - Reglulegar kvikmyndasýningar hófust í Reykjavík. Bíó-Petersen var sýningastjóri.
12. nóvember - Blaðamannaávarpið, sameiginleg yfirlýsing ritstjóra sex helstu blaða sem út komu á Íslandi um þær mundir, var prentað í öllum blöðunum.
Nóvember - Taugaveikifaraldur braust út í Skuggahverfinu í Reykjavík. ^[1]
Sambandskaupfélag Þingeyinga varð að Sambandi íslenskra samvinnufélaga.
Guðmundur Björnsson varð landlæknir.
Búnaðarfélagshúsið var reist við Lækjargötu.

Fædd

22. apríl - Snorri Hjartarson, ljóðskáld (d. 1986).
26. apríl - Regína Þórðardóttir, leikkona (d. 1974).
30. apríl - Þorvaldur Skúlason, listmálari (d. 1984).
6. júní - Loftur Guðmundsson, þýðandi (d. 1978).
8. nóvember - Karl Ísfeld, blaðamaður, rithöfundur og þýðandi (d. 1960).
24. september - Finnbogi Rútur Valdimarsson, ritstjóri, stjórnmálamaður og bankastjóri (d. 1989).
13. nóvember - Eysteinn Jónsson, alþingismaður og ráðherra (d. 1993).
16. nóvember - Einar Sveinsson, arkitekt (d. 1973).

Dáin

20. maí - Jóhann Gunnar Sigurðsson, skáld (f. 1882).

Erlendis

29. janúar - Friðrik 8. varð konungur Danmerkur.
31. janúar - Jarðskjálfti reið yfir strönd Ekvador og Kólumbíu. Flóðbylgja fylgdi í kjölfarið og að minnsta kosti 500 manns fórust.
10. mars - Sprenging varð í kolanámu í Courrières í Frakklandi. 1099 manns fórust og er það versta námuslys sem orðið hefur í Evrópu og hið næstmannskæðasta í heiminum.
18. apríl - Jarðskjálfti í San Francisco, 7,8 stig á Richter. Að minnsta kosti 3000 fórust og hundruð þúsunda urðu heimilislausir.
22. apríl - 4. maí - Ólympíuleikar haldnir í Aþenu í tilefni af tíu ára afmæli endurreisnar Ólympíuleikanna.
12. júlí - Endalok Dreyfus-málsins í Frakklandi, Alfred Dreyfus fékk uppreisn æru áratug eftir að hann var dæmdur fyrir landráð.
16. ágúst - Jarðskjálfti í Síle, 8,2 á Richter. Að minnsta kostu 20.000 manns fórust.

Fædd

7. febrúar - Pu-Yi, síðasti keisari Kína (d. 1967).
9. mars - Plácido Galindo, perúskur knattspyrnumaður (d. 1988).
19. mars - Adolf Eichmann, þýskur nasistaleiðtogi (d. 1962).
6. apríl - Alberto Zorrilla, argentínskur sundkappi (d. 1986).
13. apríl - Samuel Beckett, leikritahöfundur, skáldsagnahöfundur og ljóðskáld (d. 1989).
14. maí - Hastings Banda, fyrsti forseti Malaví (d. 1997).
7. ágúst - Nelson Goodman, bandarískur heimspekingur (d. 1998).
28. ágúst - John Betjeman, enskt skáld (d. 1983).
4. september - Max Delbrück, þýskur og bandarískur sameindaerfðafræðingur og nóbelsverðlaunahafi (d. 1981).
25. september - Dímítríj Sjostakovítsj, rússneskt tónskáld (d. 1975).
18. nóvember - Klaus Mann, þýskur rithöfundur (d. 1949).
19. desember - Leoníd Bresnjev, rússneskur stjórnmálamaður (d. 1982).

Dáin

29. janúar - Kristján 9., Danakonungur (f. 1818).
13. mars - Susan B. Anthony, bandarísk kvenréttindakona (f. 1820).
6. apríl - Alexander Kielland, norskur rithöfundur (f. 1849).
19. apríl - Pierre Curie, franskur eðlisfræðingur og nóbelsverðlaunahafi (f. 1859).
23. maí - Henrik Ibsen, norskt leikskáld (f. 1828).
22. október - Paul Cézanne, franskur listmálari (f. 1839).

Nóbelsverðlaunin

Tilvísanir

↑ Taugaveiki á Íslandi Lemúrinn

[1] Taugaveiki á Íslandi Lemúrinn

[1]