Á tali hjá Hemma Gunn

Úr Wikipediu, frjálsa alfræðiritinu

Á tali hjá Hemma Gunn var skemmtiþáttur sem var á dagskrá Ríkissjónvarpsins um árabil. Þátturinn hóf göngu sína 28. október 1987 og var sendur út í beinni útsendingu á miðvikudagskvöldum allt til 19. apríl 1995. Umsjónarmaður þáttanna var Hermann Gunnarsson.[1][2]

Efnistók þáttanna voru af ýmsum toga og voru viðtöl við þekkt fólk, tónlistaratriði, falin myndavél og viðtöl við börn fastir liðir í þáttunum.

Þátturinn náði miklum vinsældum og hlaut mikið áhorf meðal allra aldurshópa. Í könnun á sjónvarpsáhorfi sem Félagsvísindastofnun Háskóla Íslands gerði í mars árið 1988 kom fram að 60% landsmanna á aldrinum 15-70 ára hofðu á þáttinn sem sýndur var þann tíma sem könnunin var gerð.[3]

Tilvísanir[breyta | breyta frumkóða]

  1. „Á tali hjá Hemma Gunn“, Þjóðviljinn, 28. október 1987 (skoðað 29. október 2019)
  2. „Viðburðarríkur lokaþáttur hjá Hemma Gunn“, Morgunblaðið, 25. apríl 1995 (skoðað 29. október 2019)
  3. „Augun beinast að okkur“ Morgunblaðið, 17. mars 1988 (skoðað 29. október 2019)