Vitsmunaflótti
Úr Wikipediu, frjálsa alfræðiritinu
Vitsmunaflótti kallast það þegar einstaklingar sem búa yfir sérstökum hæfileikum, menntun eða þekkingu flytjast á brott, oftast frá heimalandi sínu. Vitsmunaflótti getur verið kostnaðarsamur fyrir samfélög því þeir einstaklingar sem flytjast á brott taka með sér þjálfun sem í mörgum tilfellum er styrkt af ríkisstjórn viðkomandi einstaklings.
Hugtakið var fyrst notað eftir seinni heimstyrjöld til þess að lýsa flótta vísindamanna og tæknifræðinga frá Evrópu til Norður-Ameríku [1]. Vitsmunaflótti getur orsakast af ýmsum þáttum. Fyrirbæri eins og átök í samfélaginu, skortur á atvinnutækifærum eða slæmt efnahagsástand eru allt þættir sem geta valdið vitsmunaflótta. Vitsmunaflótti er algengastur í þróunarlöndum og sér í lagi í fyrrverandi nýlendum eins og í Afríku [2] eða meðal eyþjóða í Karíbahafinu [3].
[breyta] Tilvísanir
- ↑ The brain drain: Old myths, new realities, skoðað þann 30. júní 2008.
- ↑ Brain drain costs Africa billions, skoðað þann 30. júní 2008.
- ↑ Caribbean 'brain-drain' worsens, skoðað þann 30. júní 2008.
