Vinstrihreyfingin – grænt framboð

Úr Wikipediu, frjálsa alfræðiritinu

(Tilvísað frá Vinstri hreyfingin - grænt framboð)

Stökkva á: flakk, leita

Vinstrihreyfingin – grænt framboð



Fylgi	21,7%
Formaður	Steingrímur J. Sigfússon
Varaformaður	Katrín Jakobsdóttir
Framkvæmdastjóri	Auður Lilja Erlingsdóttir
Þingflokksformaður	Björn Valur Gíslason

Stofnár	1999
Höfuðstöðvar	Suðurgötu 3, 101 Reykjavík

Stjórnmálaleg hugmyndafræði	félagshyggja, sósíalismi, umhverfisstefna, Kvenfrelsisstefna
Einkennislitur	Grænn og rauður

Sæti á Alþingi
Sæti í sveitarstjórnum

Vefsíða	www.vg.is

¹Fylgi á síðustu Alþingiskosningum 2007

Vinstrihreyfingin – grænt framboð er vinstrisinnaður stjórnmálaflokkur á Íslandi sem varð til þann 6. febrúar 1999 þegar nokkrir þingmenn úr Alþýðubandalaginu vildu ekki ganga í Samfylkinguna við stofnun hennar. Auk hefðbundinnar félagshyggju og sósíalisma á hann margt sameiginlegt með græningjaflokkum Evrópu í stefnu sinni. Flokkurinn bauð fyrst fram í kosningum til Alþingis árið 1999 og fékk þá 6 menn kjörna en í kosningunum 2003 tapaði hann einum manni og hafði þá 5. Í alþingiskosningunum árið 2007 jókst fylgi flokksins verulega og fékk hann 9 þingmenn. Í alþingiskosningunum árið 2009 voru 14 þingmenn kosinr á þing. Stofnanir innan flokksins eru Ung vinstri græn og Eldri vinstri græn. Félagar í VG eru nú um þrjú þúsund talsins og er flokkurinn meðlimur Norræna Vinstri-Græna Bandalagsins. Flokkurinn er nú í ríkisstjórn með Samfylkingunni undir forsæti Jóhönnu Sigurðardóttur.

[breyta] Stjórn

Formaður: Steingrímur J. Sigfússon
Varaformaður: Katrín Jakobsdóttir
Ritari: Sóley Tómasdóttir
Gjaldkeri: Hildur Traustadóttir
Margrét Pétursdóttir
Bjarkey Gunnarsdóttir
Svandís Svavarsdóttir
Hlynur Hallsson
Auður Lilja Erlingsdóttir
Þórarinn Magnússon
Guðrún Ágústa Guðmundsdóttir

Framkvæmdastýra: Auður Lilja Erlingsdóttir

[breyta] Varastjórn

Sædís Ósk Harðardóttir
Þorleifur Gunnlaugsson
Guðmundur Magnússon
Þorgrímur Einar Guðbjartsson

[breyta] Tengd félög

[breyta] UVG

Ung vinstri græn stofnaði með sér formlegan samstarfsvettvang haustið 2000. Tilgangur UVG er að tryggja ungu fólki í VG vettvang til málefnaumræðu og mynda inngönguleið fyrir nýja félaga. Formaður UVG er Þóra Geirlaug Bjartmarsdóttir. Virk svæðisfélög eru á höfuðborgarsvæðinu, Akureyri og Borgarbyggð.

[breyta] EVG

Á haustdögum 2005 var ákveðið í samráði við Steingrím J. Sigfússon, að gera tilraun til að mynda hóp eldri borgara sem væru félagar eða stuðningsmenn Vinstri Grænna. Formaður félagsins er Margrét Margeirsdóttir.

[breyta] Landsfundir

Landsfundur er æðsta vald flokksins en hann er haldinn á tveggja ára fresti. Á landsfundi er kosið í stjórn flokksins og í flokksráð. Í stjórn flokksins sitja 11 aðalmenn auk fjögurra varamanna og fer þessi hópur með daglega stjórn flokksins í samræmi við lög og samþykktir. Stjórnin hittist mánaðarlega. Flokksráð er æðsta vald milli landsfunda en það mynda aðal- og varamenn í flokksstjórn, þingmenn og varaþingmenn og sveitastjórnarfulltrúar flokksins, formenn kjördæmisráða, formenn svæðisfélaga, formaður ungliðahreyfingar flokksins og 30 fulltrúar sem kosnir eru sérstaklega af landsfundi. Varaformaður flokksstjórnar er jafnframt formaður flokksráðs.