Vigdís Grímsdóttir
Úr Wikipediu, frjálsa alfræðiritinu
Vigdís Grímsdóttir (15. ágúst 1953) er íslenskur rithöfundur sem hefur sent frá sér ljóðabækur, smásagnasafn og skáldsögur. Hún hefur hlotið margar viðurkenningar fyrir verk sín, þeirra á meðal Íslensku bókmenntaverðlaunin árið 1994 fyrir skáldsöguna Grandavegur 7, sem síðar var sett upp sem leikrit í Þjóðleikhúsinu.
Efnisyfirlit |
[breyta] Ævi
Árið 1973 lauk hún kennaraprófi frá Kennaraháskóla Íslands, 1978 lauk hún BA prófi í íslensku og bókasafnsfræði frá Háskóla Íslands. Árið 1982 lauk hún prófi í uppeldis- og kennslufræði frá Kennaraháskóla Íslands.
[breyta] Ferill
Fyrsta bók Vigdísar kemur út árið 1983, það var smásagnasafnið Tíu myndir sem fjallar um þykjustuleiki og alvörudrauma. Frá árinu 1984 til 1985 stundaði Vigdís kandidatnám í íslenskum bókmenntum við Háskóla Íslands. Vigdís tileinkaði sér svo skrifum sínum eftir að hafa starfað í fimm ár sem grunnskóla- og framhaldsskólakennari í Reykjavík og Hafnarfirði. Vigdís hefur sent frá sér fjöldann allan af ljóðabókum og skáldsögum. Nýjasta bók Vigdísar fjallar um ævi Bíbíar Ólafsdóttur og er örlagasaga sterkrar alþýðukonu. Ein íslensk kvikmynd hefur verið gerð eftir sögu hennar en það er Kaldaljós.
[breyta] Verk
- 1983 Tíu myndir úr lífi þínu, sögur um þykjustuleiki og alvörudrauma (Svart á hvítu)
- 1985 Eldur og regn (Fróði)
- 1987 Kaldaljós (Svart á hvítu)
- 1989 Ég heiti Ísbjörg, ég er ljón (Iðunn)
- 1990 Minningabók (Iðunn)
- 1991 Lendar elskhugans (Iðunn)
- 1992 Stúlkan í skóginum (Iðunn)
- 1994 Grandavegur 7 (Iðunn)
- 1996 Z ástarsaga (Iðunn)
- 1996 Gauti vinur minn (Iðunn)
- 1998 Nætursöngvar (Iðunn)
- 2000 Þögnin (Iðunn)
- 2001 Frá ljósi til ljóss (Iðunn)
- 2002 Hjarta, tungl og bláir fuglar (JPV)
- 2003 Þegar stjarna hrapar (JPV)
- 2005 Þrenningin (JPV)
- 2007 Sagan um Bíbí (JPV)
[breyta] Þýdd verk
- 1997 Z: a Love Story
- 1998 Z: en kärlekshistoria
- 1997 Älskades länder
- 1997 Z - rakkaustarina
- 1995 Grandavägen 7
- 1995 Jag heter Ísbjörg, jag är ett lejon
- 1995 Kannastie 7
- 1995 Pigen i skoven
- 1994 Flickan i skogen
- 1994 Metsän tyttö
- 1993 Jeg hedder Ísbjörg, jeg er löve
- 1992 Nimeni on Ísbjörg, olen leijona
- 1990 "Vakna Törnrosa" í Sen dess har jag varit här hos er : 12 isländska noveller
- 1996 Je m'appele Ísbjörg, je suis lion
