Vallhumall
Úr Wikipediu, frjálsa alfræðiritinu
| Vallhumall | ||||||||||||||
|---|---|---|---|---|---|---|---|---|---|---|---|---|---|---|
 nálægt Amiens í Frakklandi
|
||||||||||||||
| Vísindaleg flokkun | ||||||||||||||
|
||||||||||||||
| Tvínefni | ||||||||||||||
| Achillea millefolium L., 1753 |
Vallhumall (Achillea millefolium) er fjölær jurt af körfublómaætt. Plantan er oft notuð í alls konar græðandi smyrsl, te og sem bragðbætir í bjór. Blóm hennar eru hvít en stilkurinn og laufin græn. Aðalblómgunartíminn er í júlí. Hæð plöntunnar er 10-50 cm. Vallhumall er algengur um allt norðurhvel jarðar.
Vallhumall er frekar algeng planta á Íslandi og vex að mestu á Norðaustlandi og Suðvesturlandi. Kjörlendi plöntunnar er valllendi. Plantan dreifir sér ekki vel á hálendi en á Norðausturlandi eru nokkur dæmi um að hún finnist ofar en 500 m fyrir ofan sjávarmál.
