Ubuntu

Úr Wikipediu, frjálsa alfræðiritinu

Ubuntu er heilsteypt stýrikerfi byggt á GNU/Linux. Slagorð Ubuntu er Linux for Human Beings (þýðist lauslega sem „Linux fyrir manneskjur“) og miðar það að búa til frítt og frjálst og, umfram allt, notendavænt stýrikerfi.

Ubuntu notfærir sér margt frá Debian verkefninu, s.s. APT pakkakerfið. Ubuntu styðst við GNOME gluggaumhverfið (hliðarverkefni Ubuntu; KUbuntu, notar KDE) og er það sniðið að þörfum venjulegs notanda og kemur með vafra (Mozilla Firefox), póstforriti (Evolution) og ritvinnslupakka (OpenOffice.org). Ný útgáfa Ubuntu er gefin út á 6 mánaða fresti, í apríl og október, og fylgir þannig stutt á eftir útgáfuáætlun GNOME sem kemur einnig út á 6 mánaða fresti (í mars og september).

Samkvæmt vefsíðunni Distrowatch er Ubuntu vinsælasta dreifingarútgáfa GNU/Linux stýrikerfisins.^[1] Nýjasta dreifing Ubuntu kallast Hardy Heron sem kom út 24. apríl 2008.

[breyta] Saga

Fyrsta útgáfa Ubuntu kom 20. október 2004 sem skammtímaverkefni eða rótarskot frá Debian GNU/Linux og var markmið verkefnisins að gefa út uppfærslu á hálfsárs fresti. Pakkar Ubuntu byggja á Debian-drefingunni Unstable auk þess sem Ubuntu notar Advanced Packaging Tool (APT) til að eiga við uppsett forrit.

[breyta] Tenglar

• Opinber heimasíða Ubuntu
• Opinber spjallvefur Ubuntu
• Ubuntuguide.org – Ýmis hjálp í tengslum við Ubuntu
• Íslenski Linuxvefurinn – Frétta, spjall og wikisvæði

[breyta] Tilvísanir

1. ↑ DistroWatch.com: Put the fun back into computing. Use Linux, BSD. Skoðað 19. apríl, 2008.