Thora Friðriksson

Frk. Thora Friðriksson (fullt nafn: Thora Frederikke Halldórsdóttir Friðriksson) (22. maí 1866 – 18. apríl 1958) var rithöfundur minningarbóka og höfundur einna fyrstu kennslubókar í frönsku á íslensku. Hún var einnig einn af helstu hvatamönnum að stofnun Alliance francaise á Íslandi 1911 og lengi heiðursforseti þess. Hún var sæmd heiðursmerkjum Frakklandsstjórnar, þ.e. Officier d´ Académie (1909), Officier de L´Instruction publique (1926) og Chevalier de la Légion d´honneur (1928). Hún var einnig aðsópsmikil í bæjarmálum Reykvíkinga og kvennadeild Slysavarnarfélags Íslands.

Hún var dóttir Halldórs Kr. Friðrikssonar yfirkennara og konu hans Charlotte Karoline f. Degen, danskrar ættar, sem andaðist á Íslandi 1911.

Bækur Thoru

• Skólamaðurinn heima - [frásögn af Halldóri Kr. Friðrikssyni yfirkennara, föður hennar] - útg. 1950
• Dr. Jean Baptiste Charcot - útg. 1947
• Dr. Grímur Thomsen - útg. 1944
• Kennslubók í frönsku: handa börnum - útg. 1934
• Lítil kennslubók í dönsku handa barnaskólum - útg. 1900
• Stutt landafræði handa byrjendum - útg. 1897

Tilvísanir

  Þessi æviágripsgrein er stubbur. Þú getur hjálpað til með því að bæta við greinina.