The Shins

Martin Crandall (t.v) og James Mercer spila á tónleikum í Stokkhólmi 2004

The Shins er popp/rokk-hljómsveit frá Portland í Oregon-ríki í Bandaríkjunum. Platan Oh, Inverted World kom út árið 2001 og nýjasta plata þeirra, Chutes Too Narrow, kom út árið 2003. Hljómsveitin er sögð spila hressa tónlist í anda The Beach Boys.

Meðlimir

• James Russell Mercer, söngvari og gítaristi
• Martin Crandall, hljómborðsleikari og gítaristi
• Dave Hernandez, bassaleikari
• Jesse Sandoval, trommari

Sagan

The Shins byrjuðu að spila árið 1997 en hljómsveitin var þá hliðarverkefni James Russel og Jesse sem voru í hljómsveitinni Flake. Árið 1999 hætti Flake en á þeim tímapunkti hét hún reyndar Flake Music. Meðlimirnir púsluðu þá saman The Shins og inn kom Dave í stað bassaleikara Flake Music.

Þegar Oh, Inverted World-platan kom út var hún sögð frumleg og með skemmtilegum textum. Chutes too narrow hlaut jafnvel betri dóma þegar hún kom út.

Útgefið efni

• When You Land Here It's Time to Return, 1997. (Gefin út í nafni Flake Music)
• Oh, Inverted World, 2001.
• Chutes Too Narrow, 2003.
• Wincing the Night Away, 2007.