Tacoma Narrows-brúin (1940)
| Tacoma Narrows-brúin (Galloping Gertie) | |
|---|---|
 Mynd af hruni brúarinnar | |
| Gerð | Hengibrú |
| Spannar lengst | 853,4 m (2.800 fet) |
| Samtals lengd | 1.810,2 m (5.939 fet) |
| Bil undir | 59,4 m (195 fet) |
| Opnaði | 1. júlí 1940 |
| Hrundi | 7. nóvember 1940 |
Upprunalega Tacoma Narrows-brúin var opnuð 1. júlí 1940 og hrundi 7. nóvember sama ár. Brúin er einnig þekkt sem Galloping Gertie vegna sterkra vinda á svæðinu. Hengibrúin spannaði Tacoma Narrows-sund á milli Tacoma og Kitsap-skaga í Washingtonfylki í Bandaríkjunum. Önnur brú var byggð sem arftaki hennar á sama stað árið 1950 og árið 2007 var sú nýjasta reist samhliða hinni.
Hrun brúarinnar hafði varanleg áhrif á vísindi og verkfræði. Ófáar kennslubækur í eðlisfræði skýra frá atburðinum sem afbragðs dæmi um neydda hljómun þar sem vindurinn veitti lotubundna tíðni sem jafngilti eigintíðni brúarinnar. Hrunið leiddi einnig til aukinna rannsókna á vængsniðum brúa með tilliti til loftstreymis, en þær rannsóknir höfðu mikil áhrif á hengibrúarsmíði eftir 1940.
Á þeim stutta tíma sem brúin stóð uppi var hún þriðja lengsta hengibrú heims, á eftir Golden Gate-brúnni og George Washington-brúnni.
| Hrun Tacoma Narrows-brúarinnar | |
|---|---|
Myndskeið af hruni Tacoma Narrows-brúarinnar árið 1940. (19,1 MB myndband, 2:30) Fest á filmu af Barney Elliott. |