Svínaflensufaraldurinn 2009

Úr Wikipediu, frjálsa alfræðiritinu
Stökkva á: flakk, leita
Útbreiðsla H1N1 inflúensufaraldursins 2009     Staðfest dauðsföll     Staðfest tilvik     Óstaðfest tilvik eða grunur um tilvik

Svínaflensufaraldurinn 2009 er sjúkdómsfaraldur sem nýr stofn af H1N1 inflúensuveirunni er valdur að. Faraldurinn uppgötvaðist í mars 2009. Dánartíðni þeirra sem sýkjast af svínaflensunni er lægri en dánartíðni þeirra sem smituðust af fuglaflensunni, en á móti kemur að svínaflensufaraldurinn breiðist hraðar út og smitast á milli manna ólíkt fuglaflensunni.[1]

Óttast er að svínaflensan gæti orðið að heimsfaraldri en þann 29. apríl hækkaði Alþjóðaheilbrigðisstofnunin viðbúnaðarstig vegna farsóttarhættu í heiminum í 5. stig en viðbúnaðarstig Alþjóðaheilbrigðisstofnunarinnar vegna farsóttarhættu eru alls 6.[2]

Svínaflensa eða svínainflúensa hefur þó komið upp áður en hún greindist fyrst í mönnum á 6. áratug 20. aldar.[3]

Einkenni svínainflúensu eru um margt lík einkennum annarrar inflúensu, þ.e. hiti, vöðvaverkir og einkenni frá öndunarfærum.[4]

Útbreiðsla á Íslandi[breyta]

Tilkynnt var um fyrsta tilfelli af svínaflensu á Íslandi þann 23. maí 2009. Sá smitaði kom til landsins frá New York og veiktist hann skömmu eftir komuna til Íslands.[5][6]

Tilkynnt var um annað tilfelli þann 9. júní 2009. Sá smitaði var sextugur karlmaður á höfuðborgarsvæðinu sem hafði komið til landsins frá Bandaríkjunum.[7] [8]

Gunsemdir höfðu áður vaknað um tilfelli á Íslandi en þær reyndust ekki á rökum reistar. Haraldur Briem sóttvarnalæknir tilkynnti þann 28. apríl að tveir einstaklingar sem komu til Íslands frá Bandaríkjunum myndu gangast undir læknisrannsókn vegna vægra og óljósra einkenna. Hann sagði þó ólíklegt að um svínaflensu væri að ræða.[9] 29. apríl kom í ljós að ekki var um svínaflensu að ræða.[10]

Íslendingar eru í nánu sambandi við Alþjóða heilbrigðisstofnunina, sóttvarnastofnanir í Evrópu (ECDC), Bandaríkjunum (CDC) og Evrópusambandið varðandi eftirlit og viðbrögð. Upprunalega benti Landlæknir fólki sem ætlaði að ferðast annaðhvort til Mexíkó eða Bandaríkjanna (sérstaklega til Kaliforníu og Texas) að hafa varann á og hafa samband við lækni undir eins ef þau fara að finna fyrir einkennum svínaflensu[11] en seinna var fólki ráðlagt gegn því að ferðast til Mexíkó nema nauðsyn bæri.[12]

Þann 28. apríl var það tilkynnt að farþegar sem kæmu til landsins frá Bandaríkjunum eða Mexíkó yrðu undir eftirliti og ef þeir sýndu minnstu einkenni inflúensu þá myndu þeir undirgangast læknisrannsókn.[13]

Svínainflúensan er næm fyrir lyfjunum Tamiflu og Relenza en á Íslandi eru til birgðir af þeim fyrir þriðjung þjóðarinnar.[14]

Í viðbragsáætlun almannavarna vegna huganlegs heimsfaraldurs inflúensu er gert ráð fyrir tveimur mismunandi tilfellum[15]:

  • Slæmu tilfelli þar sem 50% Íslendinga sýkist og um 3% látast.
  • Hagstæðara tilfelli þar sem 25% Íslendinga sýkjast og um 1% látast.

Svínaflensunni var útrýmt með bólusetningu sem talin var geta haft ýmsar aukaverkanir s.s. einhverfa, ófrjósemi og fleiru. Önnur leið var einangrun en skólum, vinnustöðum og búðum var lokað sumstaðar. Í Kairó voru öll svín drepin.

Heimildir[breyta]

  1. mbl.is: Óttast svínaflensuna meira en fuglaflensuna
  2. mbl.is: Viðbúnaðarstig 5 vegna flensu
  3. Landlæknisembættið. „Hvað er svínainflúensa?“. Vísindavefurinn 27.4.2009. http://visindavefur.is/?id=52478. (Skoðað 27.4.2009).
  4. Landlæknisembættið. „Hvað er svínainflúensa?“. Vísindavefurinn 27.4.2009. http://visindavefur.is/?id=52478. (Skoðað 27.4.2009).
  5. mbl.is: Var bara tímaspursmál
  6. Snið:Landlæknisembættið
  7. mbl.is: Nýtt flensutilfelli á Íslandi
  8. Snið:Landlæknisembættið
  9. mbl.is: Tvö óstaðfest tilfelli
  10. Vísir.is: Grunur um svínaflensu á Íslandi ekki á rökum reistur
  11. „Fréttir“ 27. apríl 2009 á vefsíðu Landlæknisembættisins.
  12. mbl.is: Ekkert um afpantanir
  13. mbl.is: Fylgst með farþegum
  14. mbl.is: Fylgst með farþegum
  15. Guðrún Sigmundsdóttir, Íris Marelsdóttir, Rögnvaldur Ólafsson, Sigríður Sigurðardóttir og Þórólfur Guðnason (ritstj.), „Viðbragðsáætlun almannavarna: Heimsfaraldur inflúensu Landsáætlun“. Sóttvarnarlæknir og Ríkislögrelustjórinn (2008): 21.

Tenglar[breyta]