Strumparnir

Úr Wikipediu, frjálsa alfræðiritinu
Stökkva á: flakk, leita
Festa Major de Sants 2008 P1200879.JPG

Strumparnir (áður einnig kallaðir skrýplarnir) eru bláar skáldsagnaverur sem búa inni í sveppum í skógi einhvers staðar í Evrópu. Þeir eru rúmlega 40 cm að hæð. Þeir voru upphaflega teiknaðir af belgíska teiknaranum Peyo en Hanna-Barbera Productions gerði seinna vinsæla sjónvarpsþætti um þá sem Laddi talsetti á íslensku. Ævintýri Strumpana birtust fyrst sem framhaldssögur í teiknimyndablaðinu Sval en voru jafnóðum gefnar út á bókaformi.

Strumparnir slógu í gegn í Evrópu seint á 8. áratug 20. aldar og árið 1979 tryggði Bókaútgáfan Iðunn sér útgáfuréttinn að teiknimyndasögunum en hljómplötuútgáfann Steinar rétt að vinsælli tónlist sem gefin var út á plötu. Hvorugur aðilinn vissi af hinum og voru nafngiftir því ekki samræmdar, teiknimyndapersónurnar hétu strumpar en á plötunni kölluðust þær skrýplar og söng Halli (Haraldur Sigurðsson) með þeim. Strumpanafnið varð þó ofan á þegar frá leið.

Persónur[breyta]

Papa Smurf.
  • Æðsti strumpur er leiðtogi strumpana og er sá eini sem klæðist rauðu. Hann er oft í björgunarhlutverki þegar eitthvað fer úrskeiðis.
  • Letistrumpur eyðir tíma sínum fyrst og fremst í að sofa.
  • Gáfnastrumpur er bókaormur sem er hægri hönd Æðsta strumps og hann er gáfaðasti strumpinn í þorpinu.
  • Kraftastrumur er sterkasti strumpur þorpsins og er sá eini sem hefur húðflúr.
  • Smíðastrumpur er smiður þorpsins og er alltaf í vinnugalla með blýant við eyrað.
  • Barnastrumpur kom til þorpsins með storki og hefur galdrahæfileika. Ekki er vitað hvort barnastrumpur sé kvenkyns eða karlkyns.
  • Strympa var búin til af Kjartani til þess að búa til vandamál meðan strumpana. Hún var upphaflega brúnhærð, en Æðsti strumpur breytti henni síðar í ljóshærða.
  • Ömmu strympa var fyrrum kærasta afa strumps og var lokuð í kastala í lengri tíma. Hún klæðir sig í bleikan klæðnað og á gæludýr.
  • Frekju strympa er kvenkyns rauðhærður strumpur á krakkaldri. Hún var búin til á svipaðan hátt og strympa.
  • Afa strumpur er afi strumpana og jafnframt sá elsti. Hann kom til þorpsins eftir 500 ára fjarveru og er sögumaður þorpsins. Hann klæðir sig í gulan klæðnað.
  • Hrekkjastrumpur er hrekkjalómur þorpsins. Hann er oft með gjöf sem springur þegar hún er opnuð, en á tímabili lét hann sér nægja að kasta kökum á aðra stumpa.

Heimildir[breyta]

Einkennismerki Wikiorðabókar
Wikiorðabókin er með skilgreiningu á orðinu