Srí Lanka

Úr Wikipediu, frjálsa alfræðiritinu
(Tilvísað frá Sri Lanka)
Stökkva á: flakk, leita
ශ්රී ලංකා ප්රජාතාන්ත්රික සමාජවාදී ජනරජය
Sri Lankā Prajathanthrika Samajavadi Janarajaya
இலங்கை சனநாயக சோஷலிசக் குடியரசு
Illankai Chananaayaka Chosalisa Kudiyarasu
Fáni Srí Lanka Skjaldamerki Srí Lanka
(Fáni Srí Lanka) (Skjaldarmerki Srí Lanka)
Kjörorð: Ekkert
Þjóðsöngur: Sri Lanka Matha
Staðsetning Srí Lanka
Höfuðborg Srí Jajevardenepúra
Opinbert tungumál sinhala og tamílska
Stjórnarfar Lýðveldi
Mahinda Rajapaksa
D. M. Jayaratne

Sjálfstæði

 

 - frá Bretlandi 4. febrúar 1948 
Flatarmál
 • Samtals
 • Vatn (%)
122. sæti
65.610 km²
4,4
Mannfjöldi
 • Samtals (2012)
 • Þéttleiki byggðar
57. sæti
20.277.597
309/km²
VLF (KMJ)
 • Samtals
 • á mann
áætl. 2014
142,719 millj. dala (64. sæti)
7.046 dalir (99. sæti)
VÞL (2013) Green Arrow Up.svg 0.750 (73. sæti)
Gjaldmiðill srílankísk rúpía
Tímabelti UTC+6
Þjóðarlén .lk
Landsnúmer 94

Alþýðulýðveldið Srí Lanka (sinhala: ශ්රී ලංකා; tamílska: இலங்கை), áður þekkt sem Seylon til 1972, er eyríki út af suðausturströnd Indlandsskaga. Einungis 50 km breitt Palksund skilur eyjuna frá Indlandi í norðvestri og 750 km suðvestar eru Maldíveyjar.

Fornminjar benda til þess að menn hafi sest að á Srí Lanka á fornsteinöld fyrir allt að 500.000 árum. Leifar af balangodamanninum (Homo sapiens balangodensis) eru frá miðsteinöld og eru taldar elstu leifar líffræðilegra nútímamanna í Suður-Asíu. Elsta vísunin til Srí Lanka í rituðum heimildum er í sagnakvæðinu Ramayana frá 5. eða 4. öld f.Kr. Hugsanlega voru elstu íbúar Srí Lanka forfeður vedda sem nú eru lítill hópur frumbyggja á eyjunni. Á miðöldum varð Srí Lanka fyrir innrásun Chola-veldisins á Indlandi og síðan Kalinga Magha árið 1215 og eyjan skiptist milli ólíkra konungdæma. Portúgalir lögðu strandhéruð eyjarinnar undir sig á 17. öld en Hollendingar náðu þeim brátt frá þeim. Í upphafi 19. aldar lögðu Bretar eyjuna undir sig. Srí Lanka lýsti yfir sjálfstæði frá Bretum árið 1948 en fljótlega settu átök milli sinhalamælandi meirihluta og tamílskumælandi minnihluta svip sinn á stjórnmál landsins þar til borgarastyrjöld braust loks út árið 1983 milli stjórnarinnar og Tamíltígra. Árið 2009, eftir mikið mannfall, voru Tamíltígrar sigraðir af stjórnarhernum.

Helstu undirstöður efnahags Srí Lanka eru ferðaþjónusta, fataframleiðsla og landbúnaður. Landið hefur lengi verið þekkt fyrir framleiðslu á kanil, hrágúmmíi og te. Íbúar eru um 20 milljónir og þar af búa tæplega fimm milljónir í stærstu borginni, Colombo. Höfuðborgin, Sri Jayawardenepura Kotte, er úthverfi í Colombo. Um 75% íbúa tilheyra meirihluta sinhala. Flestir sinhalar eru búddistar meðan tamílar eru flestir hindúatrúar. Srílankískir márar eru tamílskumælandi íbúar sem aðhyllast íslam. Fyrir borgarastyrjöldina voru tamílar í meirihluta í norðurhéruðum eyjarinnar og meðfram austurströndinni. Höfuðstaður norðurhéraðsins, Jaffna, var auk þess önnur stærsta borg landsins.

Wikimedia Commons er með margmiðlunarefni sem tengist
Einkennismerki Wikiorðabókar
Wikiorðabókin er með skilgreiningu á orðinu
  Þessi landafræðigrein er stubbur. Þú getur hjálpað til með því að bæta við greinina.