Snæfell (Eyjabakkajökull)

Snæfell.

Snæfell
Snæfell séð úr vestri
Hæð	1.826 metrar yfir sjávarmáli
Staðsetning	NA Vatnajökuls
Hnit	64°47.83′N 15°34.53′V
Fjallgarður	Enginn

Snæfell er 1826 metra há megineldstöð úr líparíti og móbergi í austurhluta Vatnajökulsþjóðgarðs. Skiptar skoðanir eru á því hvort eldstöðin sé virk eða óvirk. Fjallið stendur um 20 km norðaustan Brúarjökuls í norðanverðum Vatnajökli og er hæsta fjall utan jökla á Íslandi. Austan við fjallið eru Eyjabakkar sem er gróið svæði og kjörlendi heiðagæsa. Á Vesturöræfum vestan fjallsins halda hreindýr mikið til og má oftast sjá til þeirra.

Gönguleiðin

Uppganga er tiltölulega auðveld frá Snæfellsskála. Bílastæði er um 1 kílómeter innan við Snæfellsskála. Gangan er um 14 kílómetrar og hækkunin 1030 metrar Á toppi fjallsins er sísnævi þaðan sem mikið og víðfeðmt útsýni er til allra átta. Á góðviðrisdögum sést vel yfir Vesturöræfi, Kverkfjöll, Fljótsdal, Fljótsdalshérað, Vatnajökul og Hvannadalshnjúk svo eitthvað sé nefnt.

Yfir sumartímann starfa landverðir Vatnajökulsþjóðgarðs á svæðinu og eru með aðsetur í Snæfellsskála sem er staðsettur við rætur fjallsins.

Tengt efni

• Snæfellsöræfi

  Þessi landafræðigrein sem tengist Íslandi er stubbur. Þú getur hjálpað til með því að bæta við greinina.