Slesía

Úr Wikipediu, frjálsa alfræðiritinu
(Tilvísað frá Slésía)
Stökkva á: flakk, leita
Slesía (bleik) miðað við núverandi landamæri

Slesía (pólska: Śląsk [ɕlɔ̃sk]; þýska: Schlesien [ʃleːziːɛn]; slesísk þýska: Schläsing; tékkneska: Slezsko; slesíska: Ślůnsk [ɕlonsk]; latína: Silesia) er sögulegt iðnaðarhérað í Mið-Evrópu sem nú er að mestu leyti innan landamæra Póllands (héruðin Neðri Slesía, Opole og Slesía). Áin Oder rennur í héraðinu miðju. Stærsta borg þess er Wrocław en stærsta þéttbýlissvæðið er stórborgarsvæði Slesíu umhverfis Katowice. Íbúar eru um átta milljónir.

Slesía hefur tilheyrt ýmsum ríkjum í gegnum tíðina. Það var hluti af Stór-Mæri á 9. öld og gert að hertogadæmi undir erfingja stórhertoga Póllands árið 1138. Á 14. öld varð fyrrum hertogadæmið (sem þá var klofið í mörg hertogadæmi) hluti af löndum bæheimsku krúnunnar sem aftur urðu hluti af ríki Habsborgara árið 1526. Árið 1742 lögðu Prússar héraðið undir sig og það varð síðar hluti af Þýskalandi. Undir þýskum yfirráðum efldist námavinnsla og málmiðnaður og héraðið iðnvæddist hratt eftir miðja 19. öld. Eftir Fyrri heimsstyrjöld varð austurhluti héraðsins hluti Póllands eftir þjóðaratkvæðagreiðslu og eftir Síðari heimsstyrjöld var nær allt héraðið innan landamæra Póllands en litlir hlutar þess urðu eftir í Þýskalandi (Efri-Lúsatía) og Tékklandi (Tékkneska Slesía).

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.

.