Sjálfstæðisbarátta Íslendinga
| Saga Íslands
|
|
Eftir tímabilum |
| Miðaldir á Íslandi |
|
| Nýöld á Íslandi |
|
| Nútíminn á Íslandi |
|
| Eftir umfjöllunarefni |
Sjálfstæðisbarátta Íslendinga kallast barátta íslensku þjóðarinnar fyrir sjálfsákvörðunarrétti í eigin málum, innri og ytri. Segja má að þessi barátta hafi staðið allt frá því að þjóðin glataði sjálfstæði sínu er Gamli sáttmáli var gerður við Hákon gamla árið 1262 og allt til 1918 er Ísland var viðurkennt frjálst og fullvalda ríki með eigið þing og eigin ríkisstjórn. Þessi barátta var lengi rislítil og jafnvel ekki meira en hljóðlát ósk í hugum landsmanna, en á 19. öld efldist hún mjög og náði hámarki í baráttu Jóns Sigurðssonar sem öðrum fremur er álitinn leiðtogi þessarar baráttu. Stór hluti sjálfstæðisbaráttunnar var þegar Jón mælti „vér mótmælum allir“ á þjóðfundinum. Sagt er að sjálfstæðisbaráttan hafi tekið kipp þegar Jörundur hundadagakonungur framdi valdarán á Ísland og lýsti sig konung yfir Íslandi sumarið 1809.
