Samband ungra framsóknarmanna
Samband ungra framsóknarmanna (SUF) var stofnað þann 13. júní árið 1938 á Laugarvatni. Sambandið mynda 20 svæðisbundin aðildarfélög. Hlutverk sambandsins er að kynna stefnu Framsóknarflokksins á meðal ungs fólks á Íslandi, auka þátttöku og áhrif ungs fólks innan Framsóknarflokksins og berjast fyrir hagsmunamálum ungs fólks við stefnumótun innan flokksins og gera það hæfara til að taka þátt í stjórnmálastarfi.
Sambandsþing, sem haldið er árlega, er æðsta stofnun sambandsins. 13 manna stjórn fundar mánaðarlega. 5 manna framkvæmdastjórn sér um daglegan rekstur samtakanna. Skrifstofa sambandsins er að Hverfisgötu 33 í Reykjavík.
Sambandið á aðild að tveimur alþjóðlegum samtökum miðjuflokka, þ.e. Nordiska Centerungdomens Förbund (NCF) sem eru samtök ungliðahreyfinga miðflokka á Norðurlöndum og International Federation of Liberal Youth (IFLRY) sem eru samtök ungliðahreyfinga frjálslyndra flokka í heiminum.
Framkvæmdastjórn 2013 - 2014[breyta]
- Formaður: Hafþór Eide Hafþórsson
- Varaformaður: Jóhanna María Sigmundsdóttir
- Gjaldkeri: Guðmundur Gíslason
- Ritari: Ása María Guðmundsdóttir
- Ritstjóri: Kjartan Þór Ingason
