Saga Fjárfestingarbanki

Úr Wikipediu, frjálsa alfræðiritinu

Saga Fjárfestingarbanki [1] (áður Saga Capital fjárfestingarbanki) er íslenskur fjárfestingarbanki sem var stofnaður ári 2007 [2] og hafði þá 9,5 miljarða eigið fé. Hann fékk síðan starfsleyfi frá FME árið 2007. Höfuðstöðvar bankans eru á Akureyri en jafnframt er starfstöð í Reykjavík. Þorvaldur Lúðvík Sigurjónsson hefur verið forstjóri bankans frá upphafi. Eignarhald bankans dreifist á hóp hlutahafa.

Saga Capital hefur sætt töluverðri gagnrýni frá bankahruninu 2008. Þann 30. desember 2009 skrifaði Sigrún Davíðsdóttir, blaðamaður hjá RÚV og talaði um „skapandi reikningsskil“ og „reikningskúnstir“ fjármálafyrirtækja. Um Sögu Capital skrifaði hún:

Í ársreikningi Sögu fyrir árið 2008 kemur fram að bankinn fékk lán frá ríkissjóði upp á tæpa tuttugu milljarða króna: tveggja prósenta raunvextir, lánstíminn sjö ár. Fyrstu tvö árin eru aðeins greiddir vextir, engar afborganir af höfuðstól. Tveggja prósenta raunvextir eru mjög góð kjör. [..] Ríkið á ekki kost á sömu kjörum, þyrfti að borga fjögurra prósenta vexti fyrir sín lán. Ríkið borgar því með láninu. [..] Það er morgunljóst að bankarnir ættu ekki kost á slíkum lánum annars staðar. Ríkissjóður er að lána bönkunum því bankar eiga erfitt með að fjármagna sig þessi misserin. Án láns færu bankarnir í þrot. "... Skuldir [..] Sögu má að mestu rekja til svokallaðra endurhverfra viðskipta við Seðlabankann - þessarar langumdeildu myllu sem var í gangi milli föllnu bankanna þriggja og allra minni fjármálafyrirtækja. Myllan færði margan sparisjóðinn í kaf, kom Sarisjóðabankanum í þrot. En nei, VBS og Saga eru uppistandandi... með láni á kostakjörum frá ríkinu...[3]

Steingrímur J. Sigfússon var fjármálaráðherra þegar lánið var veitt.

Tilvísanir[breyta | breyta frumkóða]

Tenglar[breyta | breyta frumkóða]

  Þessi fyrirtækjagrein er stubbur. Þú getur hjálpað til með því að bæta við greinina.