Sørvágsvatn

Úr Wikipediu, frjálsa alfræðiritinu
Stökkva á: flakk, leita
Sørvágsvatn.

Sørvágsvatn (einnig Vatnið og Leitisvatn) er færeyskt stöðuvatn á eyjunni Vágar. Vatnið er stærsta vatn Færeyja og er 3,4 ferkílómetrar að flatarmáli. Það liggur á milli bæjarfélaganna Sørvágs, Miðvágs og Vatnsoyrar.

Landafræði[breyta]

Vatnið er 6 kílómetrar að lengd og allt að 800 metrar á breidd. Mesta dýpi er 59 metrar og er það dýpsta stöðuvatn Færeyja. Í suðri fellur Bøsdalaá úr því í fossinum Bøsdalafossi, sem er hæsti foss eyjanna, um 30 metrar, og fellur beint út í Atlantshafið. Þar rétt hjá er Trælanípa (142 m). Sagt er að á víkingatímanum hafi óvinnufærum þrælum verið varpað þaðan í hafið. Við norðurenda vatnsins er þorpið Vatnsoyrar sem er eina bæjarfélag Færeyja sem liggur ekki að sjó.

Saga[breyta]

Við upphaf hernáms Breta í seinni heimsstyrjöld var vatnið notað sem bækistöð sjóflugvéla, þar til lokið var við byggingu Vágaflugvallar.

Heimild[breyta]

Wikimedia Commons er með margmiðlunarefni sem tengist