Robbie Keane

Úr Wikipediu, frjálsa alfræðiritinu
Robbie Keane 2011.

Robert David Keane (fæddur 8. júlí 1980) er fyrrum knattspyrnumaður frá Dublin á Írlandi hefur spilað með félögum eins og Tottenham Hotspur og Liverpool F.C. í ensku úrvalsdeildinni.

Ferill[breyta | breyta frumkóða]

Keane byrjaði atvinnumannaferil sinn hjá Wolverhampton Wanderers árið 1997, 17 ára gamall og var þar til árið 1999. hjá þeim lék hann 73 leiki og skoraði 24 mörk. Þaðan var hann seldur til Coventry City á sex miljónir punda sem var met fyrir breskan ungling, hjá þeim lék hann 31 leik og skoraði 12 mörk.

Árið 2000 fékk þjálfarinn Marcello Lippi hann til Inter Milan þar sem hann spilaði með mönnum eins og Ronaldo og Christian Vieri en Marcello Lippi var rekinn og Keane fékk fá tækifæri hjá nýja þjálfaranum og skoraði ekkert mark í þeim sex leikjum sem hann fékk og var á endanum lánaður til Leeds United. Árið 2006 sagði forseti Inter Massimo Moratti að hann sæi mikið eftir því að hafa látið hann fara.

Hjá Leeds byrjaði hann vel og skoraði níu mörk í 14 leikjum og fékk þá þjálfari Leeds David O'Leary hann keyptan í maí 2001 á 12 milljónir. Þá hófst erfiður tími hjá honum og hann féll neðar í röðina hjá þjálfaranum en hann skoraði aðeins tíu mörk í 36 leikjum. Leeds lentu þá í fjárhagskröggum og urðu að selja sína bestu leikmenn.

Keane var seldur til Tottenham Hotspur fyrir leiktíðina 2002-2003 á sjö miljónir punda. Þar lék Keane undir stjórn Glenn Hoddle og á fyrsta tímabili sínu skoraði hann 13 mörk og þar á meðal þrennu. Leiktíðin 2003-2004 gekk illa hjá Tottenham en Keane skoraði þar þó 16 mörk. Á þriðju leiktíð sinni fyrir þá skoraði hann 17 mörk en hann var fyrir aftan þá Jermain Defoe, Freddy Kanoute og Mido í röðinni. Tímabilið 2005-06 kom þjálfarinn Martin Jol til sögunnar og þá fékk Keane loksins almennileg tækifæri og hann nýtti sér það og spilaði sinn allra besta fótbolta á ferlinum og þá leiktíðina náði hann 16 mörkum og var gerður að varafyrirliða liðsins. Á tímabilinu 2007–08 náði Keane 23 mörkum á tímabilinu. Í janúar 2008 náði hann þeim áfanga að verða sá 13. í sögu enskrar knattspyrnu til þess að skora 100 mörk í deildinni í heildina og á þeirri leiktíð skoraði hann 31 mark og var með 13 stoðsendingar í 40 leikjum. Keane var hjá Tottenham í nær 7 ár og skoraði 122 mörk í 306 leikjum.

Tímabilið 2008-2009 spilaði hann með Liverpool og hélt síðan til Tottenham aftur í tvö ár eftir það. Eftir 2011 hélt hann til ýmissa liða: Celtic í Skotlandi, West Ham United, LA Galaxy í Bandaríkjunum, Aston Villa og síðast til Indlands sem leikmaður og þjálfari fyrir ATK.

Keane spilaði með írska landsliðinu frá 1998-2016 og skoraði 68 mörk í 146 leikjum. Hann er markahæsti landsliðsmaður Írlands.

Hann lagði skóna á hilluna árið 2018, 38 ára gamall.

Keane á tvo syni með konu sinni, írskri fegurðardís. Náfrændi Keane er söngvarinn Morrissey sem er þekktastur sem söngvari The Smiths.


Heimild[breyta | breyta frumkóða]