Reykjavík - Rotterdam

Úr Wikipediu, frjálsa alfræðiritinu
Stökkva á: flakk, leita
Reykjavík-Rotterdam
'''''
Reykjavík - Rotterdam plagat
Leikstjóri Óskar Jónasson
Handritshöfundur Arnaldur Indriðason

Óskar Jónasson

Framleiðandi Baltasar Kormákur

Agnes Johansen

Leikarar Baltasar Kormákur

Ingvar E. Sigurðsson
Lilja Nótt Þórarinsdóttir
Þröstur Leó Gunnarsson
Victor Löw
Ólafur Darri Ólafsson
Jörundur Ragarsson

Dreifingaraðili {{{dreifingaraðili}}}
Frumsýning Fáni Íslands 3. október 2008
Lengd 88 mín.
Aldurstakmark Bönnuð innan 14
Tungumál íslenska
Ráðstöfunarfé (áætlað)
Undanfari '
Framhald '
Verðlaun Edduverðlaunin 2008

5 verðlaun af 7 tilnefningum

Heildartekjur {{{heildartekjur}}}
Síða á IMDb

Reykjavík-Rotterdam er íslensk kvikmynd frá árinu 2008 sem var leikstýrt af Óskari Jónassyni. Óskar skrifaði einnig handritið ásamt glæpasagnahöfundinum Arnaldi Indriðasyni. Í aðalhlutverkum eru Baltasar Kormákur og Ingvar E. Sigurðsson.

Myndin var tilnefnd til sex Edduverðlauna árið 2008 og vann fimm, þar á meðal Leikstjóri ársins. Myndin var frumsýnd á Íslandi þann 3. október 2008 og á 13 vikna tímabili tók myndin inn 25 milljónir íslenskra króna og varð átjánda tekjuhæsta mynd ársins á Íslandi. [1]

Endurgerð myndarinnar á ensku undir nafninu Contraband kom út þann 13. janúar 2012 og fóru Mark Wahlberg og Kate Beckinsale með aðalhlutverkin í myndinni.[2][3]

Söguþráður[breyta]

Öryggisvörðurinn og fyrrverandi sjómaðurinn Kristófer sem afplánað hefur fangelsisdóm fyrir áfengissmygl berst við að halda fjölskyldu sinni á floti. Honum finnst hann reyna of mikið á besta vin sinn Steingrím sem gefur honum allt sem honum er fært. Kristófer býðst að fara í einn vel launaðan túr á flutningaskipi milli Reykjavíkur og Rotterdam. Hann slær til í þeirri von að hann geti komið sér á réttan kjöl fjárhagslega en óvæntir atburðir setja strik í reikninginn. [4] Á meðan hann er á sjó stritar eiginkona hans Íris við að halda sér á floti, ásamt sonum þeirra Agli og Skúla. Ofsóknir frá mönnum sem Kristófer hefur í gegnum tíðina barist við fara alveg með hana og hún leitar til Steingríms eftir hjálp. Steingrímur býður þeim að halda til heima hjá sér þangað til Kristófer kemur heim. Það kemur í ljós að hann hefur staðið á bak við allar ofsóknirnar sökum þess að hann er ástfanginn af Írisi. Þá hefst barátta við tímann þegar Kristófer verður að komast heim án þess að vera tekinn með áfengið og bjarga Írisi sem var orðið ljóst hvaða mann Steingrímur hafði að geyma.

Leikarar[breyta]

Útgáfa[breyta]

Í kvikmyndahúsum[breyta]

Óskar Jónasson eftir frumsýningu kvikmyndarinnar

Reykjavík-Rotterdam var frumsýnd þann 30. september 2008 í Háskólabíói fyrir troðfullum bíósal, þúsund manns. Áhorfendur voru yfirleitt hrifnir af myndinni. Leikstjóri, leikarar og handritshöfundar voru allir viðstaddir frumsýningu. Svo var slegið til veislu þegar sýningu lauk og stóð hún alla nóttina. [5] Sýningar á myndinni hófust um allt land þann 3. október 2008 og skilaði myndin inn um það bil sex milljónum íslenskra króna fyrstu sýningarhelgina. Hún var tekjuhæsta myndin á landinu þá helgi og einnig helgina á eftir þegar þrjú þúsund manns sáu myndina. Eftir tvær vikur höfðu fjórtán þúsund manns séð myndina. Þriðju helgina datt myndin niður í annað sæti á eftir Max Payne. [6] Myndin gekk í þrettán vikur og á þeim tíma náði Reykjavík-Rotterdam að hala inn rúmar 25 milljónir í kvikmyndahúsum. [7]

Álit gagnrýnenda[breyta]

Verðlaun[breyta]

Reykjavík-Rotterdam hlaut næstflestar tilnefningar til Edduverðlaunanna 2008, tíu talsins. Kvikmyndin Brúðguminn, sem Baltasar Kormákur, aðalleikari Reykjavíkur-Rotterdams leikstýrði, fékk fjórtán tilnefningar. Reykjavík-Rotterdam vann til fimm verðlauna.

Íslenska kvikmynda- og sjónvarpsakademían valdi Reykjavík-Rotterdam sem framlag Íslands til Óskarsverðlaunanna í flokki bestu kvikmyndar á tungumáli öðru en ensku það árið en myndin var ekki tilnefnd til verðlaunanna.

Flokkur Keppendur Unnið
"Leikstjóri ársins" Óskar Jónasson fyrir Reykjavík-Rotterdam
Ragnar Bragason fyrir Dagvaktina
Baltasar Kormákur fyrir Brúðgumann
"Handrit ársins" Arnaldur Indriðason og Óskar Jónasson fyrir Reykjavík-Rotterdam
Jóhann Ævar Grímsson, Jón Gnarr, Jörundur Ragnarsson, Pétur Jóhann Sigfússon og Ragnar Bragason fyrir Dagvaktina
Baltasar Kormákur og Ólafur Egill Egilsson fyrir Brúðgumann
"Klipping ársins" Elísabet Ronaldsdóttir fyrir Reykjavík-Rotterdam
Valdís Óskarsdóttir fyrir Sveitabrúðkaup
Sverrir Kristjánsson fyrir Dagvaktina
"Hljóð ársins" Kjartan Kjartansson fyrir Reykjavík-Rotterdam
Nicolas Liebing og Björn Victorsson fyrir Latabæ
Björn Viktorsson, Steingrímur Eyfjörð og Bogi Reynisson fyrir Rafmögnuð Reykjavík
"Tónlist ársins" Barði Jóhannsson fyrir Reykjavík-Rotterdam
Sigurður Bjóla og Jón Ólafsson fyrir Brúðgumann
The Tiger Lillies fyrir Sveitabrúðkaup
"Bíómynd ársins" Reykjavík-Rotterdam
Brúðguminn
Sveitabrúðkaup
Nei
"Leikari ársins í aðalhlutverki" Baltasar Kormákur fyrir Reykjavík-Rotterdam
Pétur Einarsson fyrir Konfektkassann
Hilmir Snær Guðnason fyrir Brúðgumann
Nei
"Búningar ársins" Helga I. Stefánsdóttir fyrir Brúðgumann
Helga Rós V. Hannam fyrir Reykjavík-Rotterdam
María Ólafsdóttir fyrir Latabæ
Nei
"Gerfi ársins" Áslaug Dröfn Sigurðardóttir fyrir Reykjavík-Rotterdam
Ásta Hafþórsdóttir fyrir Latabæ
Ragna Fossberg fyrir Spaugstofuna
Nei
"Leikmynd ársins" Haukur Karlsson fyrir Reykjavík-Rotterdam
Snorri Freyr Hilmarsson fyrir Latabæ
Atli Geir Grétarsson og Grétar Reynisson fyrir Brúðgumann
Nei

Heimildir[breyta]