Reese Witherspoon

Úr Wikipediu, frjálsa alfræðiritinu
Reese Witherspoon
Reese á frumsýningu myndarinnar Walk the Line á kvikmyndahátíðinni í Toronto árið 2005
Reese á frumsýningu myndarinnar Walk the Line á kvikmyndahátíðinni í Toronto árið 2005
Upplýsingar
FæddLaura Jeanne Reese Witherspoon
22. mars 1976 (1976-03-22) (47 ára)
Helstu hlutverk
Elle Woods í Legally Blonde
Jennifer í Pleasantville
June Carter í Walk the Line

Laura Jeanne Reese Witherspoon (f. 22. mars 1976) er bandarísk Óskarsverðlaunaleikkona þekktust fyrir hlutverk sín í kvikmyndunum Pleasantville, Election, Legally Blonde, og Walk the Line.

Yngri ár[breyta | breyta frumkóða]

Reese Witherspoon fæddist í New Orleans. Móðir hennar er hjúkrunarkona og heitir Betty Reese. Faðir hennar er skurðlæknir og heitir John Witherspoon. Hann var í bandaríska hernum og vann í Wiesbaden í Þýskalandi, og bjó hún þar í fjögur ár þegar hún var lítil. Þegar hún flutti aftur til Bandaríkjanna eyddi hún miklum tíma sem barn og unglingur í Nashville, Tennessee. Hún á eldri bróður sem heitir John í höfuðið á pabba þeirra, hann vinnur sem fasteignasali. Eftir útskrift í stúlknaskólanum Harpeth Hall í Nashville, sótti hún Stanford-háskólann með bókmenntir í aðalgrein. Hún kláraði fyrsta árið í námi, en hætti eftir það til að vinna að leikferli sínum.

Leikferill[breyta | breyta frumkóða]

Reese hóf feril sinn með því að leika í auglýsingum. Fyrsta hlutverk sitt fékk hún árið 1991 í sjónvarpsmyndinni Wildflower sem Diane Keaton leikstýrði en með aðalhlutverk fara Beau Bridges, William McNamara og Patricia Arquette. Þetta sama ár, 14 ára að aldri, fór hún í áheyrnarpróf fyrir myndina ''Man on the Moon sem aukaleikari en í staðinn var hún ráðin í aðalhlutverk. Síðan þá hefur hún byggt upp feril sinn, og leikið bæði í gamanmyndum og dramamyndum. Á meðal hlutverka eru Vanessa í Freeway og Tracy Flick í Election. Hún var rödd Gretu Wolfecastle í The Simpsons, í þættinum „The Bart Wants What it Wants“.

Hún varð fræg og fékk Golden Globe-tilnefningu sem besta leikkona í aðalhlutverki fyrir túlkun sína á lögfræðinemanum Elle í Legally Blond, sem var orðin lögfræðingur í Legally Blond 2. Fyrir leik sinn í þessum myndum fékk hún 15 milljónir dollara, sem gerði hana að einni af hæst launuðu leikkonum í Hollywood.

Hún fékk jákvæða gagngrýni og verðlaun fyrir leik sinn sem June Carter Cash í Walk the Line. June, sem dó 2003, samþykkti persónulega að Reese myndi leika hana. Reese vann Golden Globe-verðlaunin fyrir bestu leikkonu, NYFCC, FFCC, SFFCC-verðlaunin sem besta leikkona fyrir þessa mynd. Hún hlaut BAFTA-verðlaunin sem besta leikkona í aðalhlutverki, „uppáhalds leikkona í aðalhlutverki“ á 23. árlegu People's Choice Awards, og Óskarsverðlaunin sem besta leikkona í aðalhlutverki.

Reese stjórar framleiðslufyrirtæki, Type A Productions. Fyrirtækið er nefnt eftir gælunafninu hennar sem barn, Little Miss Type A.

Einkalíf[breyta | breyta frumkóða]

Reese kynntist leikaranum Ryan Phillippe í 21 árs afmæli hennar í mars árið 1997, þar sem hún sagði við hann „þú hlýtur að vera afmælisgjöfin mín.“ Þau trúlofuðust í desember árið 1998. Skömmu eftir það léku þau saman í myndinni Cruel Intentions. Þau giftu sig í Charleston í Suður-Karólínu 5. júní árið 1999. Þau eiga tvö börn saman, dótturina Ava Elizabeth, fædd 9. september 1999 og soninn Deacon, fæddur 23. október 2003. Ava er skírð í höfuðið á Ömmu Phillippe og Deacon í höfuðið á fjarskyldum frænda sínum. Reese og Phillippe hafa gert samkomulag um að annað þeirra verði alltaf heima hjá börnunum, en þau hafa ekki notið aðstoðar barnfóstru. Þau slitu samvistum 2005. Frá því í mars 2007 hefur Reese átt í ástarsambandi við Jake Gyllenhaal, leikara.

Ljósmyndaraatvik[breyta | breyta frumkóða]

Í september 2005 voru Reese og börn hennar að halda upp á afmæli dóttur hennar í Disneylandi í Kaliforníu þegar ljósmyndarinn Todd Wallace nálgaðist þau. Eftir að Reese neitaði að sitja fyrir á mynd fyrir hann, segir lögreglan að Todd hafi orðið æstur og ýtt barni og slegið annað með myndavélinni sinni til að ná mynd af Reese. Hann hrinti tveimur starfsmönnum garðsins þegar þeir voru að reyna að stöðva hann og blótaði Reese, sem varð til þess að nokkur börn brustu í grát. Hann var ákærður, en áður en málið fór fyrir dóm, fannst Todd látinn í íbúð sinni í Brentwood. Lögreglan rannsakar dánarorsök.

Ferill í kvikmyndum[breyta | breyta frumkóða]

Ár Mynd Hlutverk Verðlaun
2005 Walk the Line June Carter 6 verðlaun
2005 Just like Heaven Elizabeth Masterson
2004 Vanity Fair Becky Sharp
2003 Legally blond 2 Elle Woods
2002 Sweet Home Alabama Melanie Smooter/Carmichael
2002 The Importance of Being Earnest Cecily
2001 Legally blonde Elle Woods 1 tilnefning
2000 American Psycho Evelyn Williams
2000 Little Nicky Holly
1999 Election Tracy Flick 2 verðlaun
1999 Cruel Intentions Annette Hargrove
1998 Pleasantville Jennifer 1 verðlaun
1998 Overnight Delivery Ivy Miller
1996 Freeway Vanessa Lutz
1996 Fear Nicole Walker
1995 S.F.W. Wendy Pfister
1993 Jack the Bear Karen Morris 1 verðlaun
1993 A Far off Place Nonnie Parker
1991 The Man in the Moon Danielle „Dani“ Trant 1 tilnefning