Notandaspjall:Cessator

Velkominn á notendaspjallið mitt! Vinsamlegast notaðu titil síðunar sem þú vilt spjalla um sem fyrirsögn og skrifaðu undir með fjórum tiltum „ ~~~~“ Takk! Athugið: Ég mun svara hér, og ef ég hef haft samband við þig, þá skaltu svara þar. [hefja nýja umræðu]

Skjalasöfn

Safn I Safn II Safn III Safn IV Safn V Safn VI Safn VII

meðal annars vs. meðal annarra

Sæll Cessator.

Þú breyttir "meðal annars" í "meðal annarra" í grein sem ég skrifaði. Ég hef alltaf talið að "meðal annars" væri notað við allar aðstæður og væri óbeygjanlegt. Íslenska orðabókin gefur hvorttveggja upp en gefur engin dæmi. Orðastaður er orðlaus... Hefurðu dæmi eða rök fyrir þessu?

Annars voru breytingarnar þínar fínar (enda minniháttar!).

--Fimbulkuldi 5. janúar 2011 kl. 19:47 (UTC)

Sæll Fimbulkuldi. Ég verð að byrja á að leiðrétta þig aðeins: Ég breytti nefnilega ekki „meðal annars“ í „meðal annarra“, heldur breytti ég „m.a.“ í „meðal annarra“. Með öðrum orðum leysti ég bara upp úr skammstöfun, enda þykir fara betur á því í meginmáli. En eins og þú segir gefur orðabókin upp hvort tveggja. Hvers vegna gerir hún það? Athugum málið. Það er rétt hjá þér að orðasambandið er oft notað eins og óbreytt í öllum aðstæðum en hvers konar orðasamband er þetta? Svarið er vitaskuld að þetta er forsetningarliður, þar sem orðið „meðal“ er forsetning sem stýrir eignarfalli og svo er óákveðna fornafnið „annar“ í eignarfalli út af fallstjórn forsetningarinnar. Fornafnið er oftast í hvorugkyni eintölu (þ.e. „annars“) en getur líka verið í fleirtölu í hvaða kyni sem er eftir því til hvers það vísar; það vill svo til að í öllum kynjum fleirtölu er það eins, þ.e. „annarra“ („annarra karla“, „annarra kvenna“, „annarra barna“). Í tilvikinu sem þú ert að tala um minnir mig að orðið hafi vísað til kvikmynda sem Elísabet Ronaldsdóttir hefur unnið að. Hún hefur unnið að gerð ýmissa kvikmynda, meðal annarra [þ.e.a.s. meðal annarra kvikmynda] x, y og z. Þú getur hugsað þetta svona: ímyndaðu þér að setningin hafi verið „Aðrar kvikmyndir sem Elísabet hefur unnið að eru x, y og z.“ Svo bendir einhver á að kvikmyndirnar hafi verið miklu fleiri en þær þrjár sem upp eru taldar og það borgi sig að gefa það til kynna en við föllumst þá á að bæta við forsetningunni „meðal“ en breyta engu öðru. Þá myndi setningin verða svona: „Meðal annarra kvikmynda sem Elísabet hefur unnið að eru x, y og z.“ Það eina sem breytist er fallið á „aðrar kvikmyndir“ af því að forsetningin „meðal“ stýrir eignarfalli. Ímyndum okkur enn fremur að af einhverri ástæðu viljum við einnig undirstrika þann fjölda kvikmynda sem konan hefur unnið að og um leið losna við tilvísunarsetninguna en breyta nánast engu öðru; þá tækjum við út „sem Elísabet hefur unnið að“ (tilvísunarsetninguna) og gerðum að aðalsetningu, svona: „Elísabet hefur unnið að ...“ bætum við einhverju til að undirstrika fjöldann, t.d. „gerð fjölmargra kvikmynda“ og tengjum restina úr upphaflegu setninguna aftan við annaðhvort með samtengingu eða kommu. Þá er útkoman: „Elísabet hefur unnið að gerð fjölmargra kvikmynda, meðal annarra x, y og z.“ Ef fornafnið væri hins vegar í hvorugkyni eintölu þætti mér málsgreinin hljóma undarlega. Hvers vegna skyldi maður vísa til annarra kvikmynda með óákveðna fornafninu „annar“ í hvorugkyni? En ég geri ráð fyrir að þér þyki það sem ég skrifaði jafn undarlegt og mér finnst hvorugkynið þarna. Eða hvað segirðu um þetta? Svo er auðvitað hægt að komast hjá þessum vangaveltum með því að nota í staðinn „þ.á m.“ --Cessator 5. janúar 2011 kl. 20:54 (UTC)

Þú sannfærðist bersýnilega ekki. Spurning hvort þú kærir þig um að útskýra hvar okkur greinir á? --Cessator 5. janúar 2011 kl. 23:29 (UTC)

(skrifað kl. 23.20, samband við netið rofnaði) Ég skil forsendurnar sem þú gefur þér, hvers vegna "meðal annars" truflar þig í þessu samhengi en ég kann ekki að meta háðið og það þegar talað er niður til mín ("En ég geri ráð fyrir að þér þyki það sem ég skrifaði jafn undarlegt og mér finnst hvorugkynið þarna.") Ég tel að "meðal annars" geti vel staðið enda almennt notað þannig. Þar að auki er textinn mjög stuttur svo ekki hefði verið hundrað í hættunni þótt upphaflega "m.a." hefði verið látið standa. Ég breytti setningunni þannig að "meðal annars" dettur út.

Þótt þú sért að vinna gott verk á Wikipediu þarftu e.t.v. að læra að halda aðeins aftur af þér þegar þú leiðréttir texta annarra og læra að virða máltilfinningu fólks. - Fimbulkuldi 5. janúar 2011 kl. 23:44 (UTC)

Úps, nú bregst þér bogalistin því þú oftúlkar orð mín. Ég var nefnilega hvorki að hæðast að þér né tala niður til þín (og er vel að merkja enn ekki að því). Ég meinti það sem ég skrifaði þarna og hvorki meira né minna. Samhengi þessara skoðanaskipta gefur sterklega til kynna að þér hafi einmitt þótt svolítið skrítið að sjá mig skrifa „meðal annarra“ frekar en „meðal annars“ og ég var bara ósköp einfaldlega að viðurkenna að öðrum geti þótt það skrítið, rétt eins og mér finnst hvorugkynið skrítið; með öðrum orðum var ég að viðurkenna þessa máltilfinningu af því að ég veit hversu útbreiddur þessi talsmáti er, þótt ég telji hann ekki réttan. Ég ætti ef til vill stundum að halda aftur af mér, eins og þú segir, þótt ég telji reyndar að yfirlestur og leiðréttingar mínar og aðrar breytingar geri Wikipediu miklum mun meira gott en illt. (Ég held reyndar að það mættu fleiri taka þátt í „prófarkalestrinum“, ef eitthvað.) Þú ættir kannski á móti að vera minna hörundsár — leyfðu mér að leggja áherslu á kannski; ég veit auðvitað ekkert um það enda þekki ég þig ekki en svona virðist mér þetta vera. En af því að þú nefnir það að virða máltilfinningu annarra, leyfðu mér þá líka að ítreka að ég breytti ekki „meðal annars“ í „meðal annarra“, heldur leysti ég bara upp úr skammstöfuninni (sem hefði líka getað staðið fyrir „meðal annarra“) og þótt textinn sé ekki langur þá er samt góð regla að leysa upp úr flestum skammstöfunum í meginmáli. Mér finnst, satt að segja, ekki vera neinn dónaskapur að gera það. Wikipedia er vitaskuld samvinnuverkefni og það er óhjákvæmilegt að aðrir eigi eftir að breyta af og til því sem maður hefur skrifað, velja „heppilegra“ (að eigin mati) orðalag og svo framvegis (það er meira eða minna tilgangurinn með þessu). Auðvitað má ekki ganga of langt en ég hef reyndar sjaldnast breytt eðlilegu orðalagi eða rithætti til að hæfa betur mínum eigin smekk, svo það er ekki eins og ég sé sérlega skæður í því. --Cessator 6. janúar 2011 kl. 01:05 (UTC)

Þekktir einstaklingar í Morfís

Sæll Cessator

Ég er að vinna í því að gera Morfís að almennilegri síðu og er að velta ákveðnu atriði fyrir mér.

Í greininni er undirkafli sem heitir Þekktir einstaklingar sem tekið hafa þátt í Morfís. Þar eru þekktir keppendur teknir fyrir en eins og þú tekur vafalaust eftir eru þar nöfn sem fáir hafa heyrt minnst á. Mín spurning er því sú: Hvernig dæmi ég á um frægð fólks hér á Wikipedia og hefur svipað mál áður komið upp? Mér datt í hug að leita að hverju nafni fyrir sig hér á Wikipedia og hreinsa út þau nöfn sem einungis koma fram í greininni um Morfís eða undirgreinum hennar. Myndi það ganga upp?

Með fyrirfram þökkum, Þorkell

Fyrir alla muni vertu djarfur og hreinsaðu til ef þú telur þörf á því. Það koma reglulega upp mál þar sem heilum greinum er eytt af því að óljóst er að viðfangsefnið sé fræg manneskja (og veldur oft sárindum). Við höfum einhver viðmið um markverðugleika fólks og svo auðvitað sannreynanleikaregluna (en ef ekki er hægt að finna neinar heimildir um viðkomandi, þá er hann ekki þekktur í skilningi Wikipediu). --Cessator 17. janúar 2011 kl. 09:17 (UTC)

Greetings from Italy

Hello Cessator. We are looking for someone who could translate ans upload on is.wikipedia this page. Can you help us ? Many thanks :)) --RiverTeifi 20. janúar 2011 kl. 18:10 (UTC)

Hello RiverTeifi, I'm afraid I have my hands full at the moment. Best of luck. --Cessator 21. janúar 2011 kl. 00:19 (UTC)

Tónaútgáfan

Sæll. Ég er að setja inn plötur Tónaútgáfunnar. Þegar ég hleð inn mynd, gerist ekkert annað en að "Hlaða inn mynd" kemur bara aftur. Hvað er ég að gera vitlaust? Ég geri nákvæmlega eins og ég hef áður gert með SG hljómplötur - Kristján Frímann Kristjánsson 25. janúar 2011 kl. 17:56 (UTC)

Sæll. Ég er hræddur um að ég hafi engin svör. --Cessator 25. janúar 2011 kl. 18:49 (UTC)

Sæll. Ég er með nema (Jónas Hreinsson) í að setja inn plötuhulstur og upplýsingar um tónlistarmennina. Hann vill læra þetta og það tekur tíma og þolinmæði. Ég vona að þú virðir viðleitnina, ég passa kauða. - Kristján Frímann Kristjánsson 27. janúar 2011 kl. 22:28 (UTC)

Sæll. Ég heimsótti Jónas Hreinsson til að leiða hann í gegnum ferlið að setja upp síðu um hljómplötu með myndum. Hann hafði verið búinn að stofna aðgang en mundi nú ekki aðgangsorðið eða nafn. Þannig að hann ætlaði bara að stofna nýjan aðgang á nafninu Beatles. Það virtist ganga en samt ekki, því upp kom melding um að síðan væri ekki til. Hann prófaði nýjan aðgang, "bítlavinur", en allt við það sama. Getur þú séð hvað er að og kannski komið Jónasi til hjálpar gegnum mig? Takk fyrir - Kristján Frímann Kristjánsson 3. febrúar 2011 kl. 22:11 (UTC)

Ég skil ekki alveg en mér sýnist hann hafa búið til nýskráð sig sem Beatles. Getur hann ekki lengur skráð sig inn sem Beatles og gert breytingar? --Cessator 3. febrúar 2011 kl. 22:48 (UTC)

Nei, skráning hans virðist ekki til og er merkt sem slík, rauð. - Kristján Frímann Kristjánsson 4. febrúar 2011 kl. 08:19 (UTC)

Sæll aftur. Samkvæmt breytingarskránni við GEOK 258 var Jónas skráður inn sem Jónas Hreinsson (27. janúar 2011 kl. 21:06 Jonas Hreinsson (Spjall | framlög) (1.288 bæt) (Ný síða: GEOK 258). Væri hægt að vinda ofan af seinni vitleysum í skráningu og leyfa "Jónasi Hreinssyni" að standa? - Takk. - Kristján Frímann Kristjánsson 4. febrúar 2011 kl. 09:22 (UTC)

Tja, í skrá yfir nýja notendur stendur:

(Skrá yfir nýja notendur); 20:49 . . Beatles (Spjall | framlög | banna) bjó til notanda fyrir Notandi:Bitlavinur

(Skrá yfir nýja notendur); 20:42 . . Beatles (Spjall | framlög | banna) Nýr notandi

Þannig að einhverjum tókst að búa til notandann Beatles og svo bjó sá notandi til notandann Bitlavinur sjö mínútum seinna. Notandasíða Beatles er að vísu rauður tengill af því að hann hefur ekki búið til þá síðu enn þá en spjallsíðan hans er til. Ef hann vill búa til notandasíðuna sína eða gera einhverjar aðrar breytingar sem notandinn Beatles, þá þarf hann bara að skrá sig inn sem Beatles með réttu aðgangsorði. Notandinn Jonas Hreinsson er líka til; eins og í hinu tilvikinu er notandasíðan hans ekki til af því að hann hefur ekki enn búið hana til en spjallsíðan hans er til. Ef hann vill frekar gera breytingar sem Jonas Hreinsson, þá þarf hann að skrá sig inn með notandanafninu Jonas Hreinsson og réttu aðgangsorði fyrir það notandanafn. Það er í raun ekkert annað sem þarf að gera. Ég veit ekki alveg ofan af hverju þarf að vinda. Notendanöfnin eru til, þannig að eins og ég sé þetta, þá er bara spurning um að skrá sig inn með réttu aðgangsorði á þann notanda sem maður vill helst nota. Hin notendanöfnin verða áfram til en hann hættir þá væntanlega bara að nota þau. Annars væri sniðugt að skrá tölvupóstfang þegar hann er búinn að skrá sig inn, svo að ef hann gleymir aftur aðgangsorði geti hann fengið það sent í tölvupósti. --Cessator 4. febrúar 2011 kl. 16:21 (UTC)

Sæll aftur. Ég hitti Jónas Hreinson sem sagðist komast inn á sitt svæði á Wikipedia og geta breytt og lagað. Ok,nú var málið að sýna honum hvernig maður setur inn mynd. Hann valdi "Hlaða inn skrá" og þegar hann klikkaði á "Veggspjald eða bókarkápa" þá kom upp gluggi sem sagði "Aðgangsvilla" og lengra komumst við ekki. Hvað er málið? - Kristján Frímann Kristjánsson 17. febrúar 2011 kl. 21:51 (UTC)

Ég verð að játa að ég veit ekkert um þessi myndamál enda hleð ég aldrei inn myndum hingað. Þú gætir spurt í Pottinum. --Cessator 18. febrúar 2011 kl. 01:14 (UTC)

• Ég get svarað þessari spurningu. Hann fær þessa meldingu afþví að hann innskráði sig ekki áður en hann valdi að hlaða inn skrá.--Snaevar 18. febrúar 2011 kl. 02:13 (UTC)

Upplýsingakassi

Þarf hjálp með að gera svona kassa sem er t.d á síðunni um Reykjavík. En ég ætla að gera kassa um tívolí. Hvernig gerir maður þá? Ingvar98cool 2. mars 2011 kl. 18:47 (UTC)

Sæll. Friðrik virðist vera búinn að redda þessu. --Cessator 2. mars 2011 kl. 22:12 (UTC)

Sparpera

Þakka þér fyrir vinsamleg orð í minn garð. Þetta er í fyrsta skipti sem ég set eitthvað inn á Wikipedia og er þetta verkefni partur af námi mínu í háskólanum. Öll vingjarnleg hjálp frá þér væri vel þegin t.d. ef þú gætir bent mér á eitthvað sem vantar eða hvernig ég ætti að standa að uppsetningunni--Sandradogg

Sæl Sandra Dögg. Gott mál, ég vona að þú njótir þín meðan á verkefninu stendur og staldrir svo við að því loknu. Það er ekkert sérlega flókið að komast inn í þetta, þótt kannski megi svo virðast í fyrstu. Wikipedia hefur ákveðnar reglur, viðmið og venjur en þær verða fljótt mjög kunnuglegar. Fiktaðu bara, það er ekkert sem er ekki hægt að laga. --Cessator 21. mars 2011 kl. 21:02 (UTC)

Gunnhildur Hauksdóttir

Hæ, fyrirgefðu en ég kann ekki að svara fyrirspurninni frá þér. en þú spyrð hvort þetta sé grein um mig og svarið er játandi. kveðja, gunnhildur Gunnitune 23. mars 2011 kl. 01:35 (UTC)

Gott og vel, fyrst svo er, vinsamlegast ekki vinna meira í greininni. --Cessator 23. mars 2011 kl. 10:15 (UTC)

Hæ aftur, heyrðu varðandi annað, gætir þú aðstoað mig? ég er að skrifa til permissions-enwikimedia.org til að útskýra að ég hafi rétt til að gera greinar um Nýlistasafnið bæði á ensku og Ísl. það er stungið uppá að ég geri eftir farandi Please send a copy to the person (if any) you were previously in touch with so they know about it. má ég senda afrit til þín? ef svo er, hvert ætti ég að senda það? Gunnitune 23. mars 2011 kl. 14:08 (UTC) já - ef þú vilt getur þú sent mér á gunnhildur hjá nylo punktur is uppl um hvert ég ætti að senda þér afritið Gunnitune

Sæl. Á ensku síðunni er sérstakur sjálfboðaliðahópur í því verkefni að taka við þessum tölvupóstum (sjá en:Wikipedia:OTRS) en við höfum ekkert slíkt hér enda allt saman smærra í sniðum. Þú mátt alveg senda mér tölvupóst en ég er hræddur um að það hjálpi þér ekkert á ensku Wikipediunni :) Til að senda mér tölvupóst er hægt að smella á tengil hérna til vinstri ("senda þessum notanda tölvupóst") en ég sendi þér reyndar póst sem þú getur svarað. --Cessator 23. mars 2011 kl. 14:24 (UTC)

Article for creation - Nýlistasafnið á ensku

Halló aftur Cessator, mér datt í hug að leita til þín ef það er í lagi, ég er að reyna að gera svipaða síðu um Nýlistarsafnið á ensku, ég gerði eina en henni var eytt af sömu ástæðum kom til greina að eyða þeirri íslensku vegna. ég er búin að gera http://en.wikipedia.org/wiki/Wikipedia:Articles_for_creation/The_Living_Art_Museum og búin að skrifa þeim sem eyddi síðunni og svo náttúrulega bréfið sem ég sendi þér eintak af í dag varðandi staðfestingu á því og/eða yfirlýsingu um að ég megi nota þetta efni. nú langar mig að birta þessa grein sem er í formi Article for creation en ég finn ekki uppl um hvernig ég get gert það. Veist þú hvernig ég gæti gert það? Gunnitune 23. mars 2011 kl. 22:34 (UTC)

Þú getur smellt á "edit" á síðunni þar sem drögin að greininni eru, afritað kóðann og búið svo til grein á en:The Living Art Museum. Gengur það ekki? Bentu svo bara á það á spjallsíðu þeirrar greinar að þú sért búin að hafa samband við notandann sem eyddi greininni og senda viðkomandi allar upplýsingar. Þeir hljóta þá að láta greinina vera eða a.m.k. ræða málið áður en þeir eyða greininni aftur. --Cessator 23. mars 2011 kl. 23:02 (UTC)

hæ, já takk fyrir að svara. mér datt einmitt í hug að gera það, en hélt kannski að það væri ekki vel séð að gera margar síður, og að það væri einhver aðferð til að birta sem ég væri ekki að koma auga á - en já, þá í raun bý ég til nýja síðu - en þarf ég þá ekki að eyða þessari article for creation? Gunnitune 24. mars 2011 kl. 00:00 (UTC)

Það sér eflaust einhver um að eyða henni. Það er strangt tekið ekki vel séð að grein sé búin til aftur sem hefur verið eytt áður. En forsendur málsins hafa breyst og eins gott að taka það skýrt fram á spjallsíðunni strax og greinin er endursköpuð. Þá getur sá sem hyggst eyða henni sannreynt það hvort leyfið hafi ekki örugglega borist fyrir notkun textans og þá á þetta ekki að vera vandamál. En allt getur gerst. Geri ekki ráð fyrir að neinn þarna sé í herferð gegn grein um Nýlistasafnið en geri samt ráð fyrir að athyglisgáfan geti verið af skornum skammti og það má vera að einhver nenni ekki að setja sig almennilega inn í málið, þannig að það er mikilvægt að segja skýrt á spjallsíðunni hvernig málum er háttað þannig að jafnvel þeir sem ekki nenna að lesa langt mál nái því strax. --Cessator 24. mars 2011 kl. 00:13 (UTC)

vá, það er einhver aðili harðákveðin í að henda út því sem ég geri fyrir nýló, ég fékk ekki einusinni tóm til að skrifa inná spjallið því viðkomandi var búin að eyða greininni umsvifalaust! það er sá eða sú sama og eyddi í fyrsta sinn. ég var reyndar búin a skrifa honum/henni áður en hann svaraði ekki, ég hef nú skrifað þrjár færslur hjá honum/henni, merkilegt! nú veit ég ekki lengur hvað ég á að gera í þessu. Gunnitune 24. mars 2011 kl. 00:39 (UTC) nei ok, viðkomandi er búin að svara, það hlaut að vera. ég held að ég salti þetta aðeins núna. kærar þakkir fyrir hjálpina. Gunnitune 24. mars 2011 kl. 00:43 (UTC)

Notandanafn

Sæll. Kanntu breyta notandanafni mínu til Njardarlogar? Harald Khan 25. mars 2011 kl. 18:48 (UTC)

Komið. --Cessator 25. mars 2011 kl. 19:15 (UTC)

Thank you! I forgot to ask for the renaming of my bot (Notandi:KhanBot), which should be renamed to NjardarBot. Could you do that as well? Thanks in advance. Njardarlogar 26. mars 2011 kl. 15:47 (UTC)

SG hljómplötur

Sæll. Ég er að velta fyrir mér hvort og hvernig sé hægt að skipta út öllum myndum (um 260) hjá SG hljómplötum fyrir sömu myndir í betri gæðum á einfaldan hátt? - Kristján Frímann Kristjánsson 27. mars 2011 kl. 15:38 (UTC)

Það kann ég því miður ekki. Sennilega verður bara að gera það með mikilli þolinmæði eina í einu. --Cessator 27. mars 2011 kl. 15:46 (UTC)

Isstock

Hello from Germany. I would like to translate parts of these article de:stockschießen into your language.Can someone help me? Moonwalker74 30. mars 2011 kl. 20:14 (UTC)

Hello Moonwalker74. Possibly someone can help you. There is a page for requested articles and you could list your article there. Also, you can try bringing attention to it in the Village pump. --Cessator 30. mars 2011 kl. 20:23 (UTC)

Thank you!" Many greetings;-) Moonwalker74 31. mars 2011 kl. 10:36 (UTC)

MerlIwBot

Hi, you are the one who did the last bureaucrat action on this wiki. So could you have a look at my bot flag request on Wikipedia:Vélmenni#MerlIwBot? I think my bot perfectly meets your criteria at Wikipedia:Vélmenni#What_we_want because it also does a reverse langlink search and is checking all relations to other wikis based on toolserver database scans without having a primary wiki. Merlissimo 26. apríl 2011 kl. 09:30 (UTC)

geta + samsettar tíðir

Halló,

Þú ert búinn að útskýra mér betur af hverju er setningin "gæti [...] hafa þýtt" óumdeilanlega málfræðilega rétt. Takk fyrir mig. En ef mér væri unnt vildi ég gera þetta 100% öruggt þá. Ég skrifa héðan fram á ensku til að komast hjá misskilningum, okay?

1) Could you tell me if that's the only occasion where 'geta' is followed by an infinitive, or, at least, very likely so? "Ég gæti verið að syngja" is still grammatical, right?

2) You said: "þ.e.a.s. „hafa þýtt“, sem er þáliðin tíð". According to my dictionary, "þáliðinn" means pluperfect, which I thought would actually be the tense in "Ég hafði gert það" (i.e. where hafa is in the past) used to describe something that happened before something else also in the past. When one takes the whole sentence, however, "Orðið grótta merkir jarðfall eða hola, en það gæti einnig hafa þýtt hellir, sbr „grotta“ í sænsku.", there doesn't seem to be any indication to what "hafa þýtt" could have happen earlier than. Instead, it seems that the sole purpose of 'hafa' here is to set the "action" of þýða in the past, i.e. to say that only in former times grótta meant grotta in Swedish. Does þáliðin tíð mean just any 'hafa + lýsingarháttur þátíðar' composite tense in Icelandic grammar?

Verðu blessaður, Wisapi 28. júní 2011 kl. 00:06 (UTC)

Hi Wisapi. In 1) above, the sentence "Ég gæti verið að syngja" is grammatically correct. In that instance, the infinitive ("að syngja") might be viewed as a complementary infinitive that completes the meaning of the verb "to be" (here in the passive participle "verið"). Together, the verb "to be" plus the infinitive stresses the progressive aspect, i.e. that the action is still occurring. In 2), you're right about the tense, it is in fact not þáliðin tíð, since that would have the auxiliary verb in the past tense, whereas an auxiliary verb in the present tense + passive participle is the perfect tense (núliðin tíð). Here "hafa" is in the present infinitive and together with the participle, I guess, has to be viewed as a periphrastic past tense infinitive. Although, in that case, I have no explanation for that periphrastic infinitive, unless one labels that too as a complementary infinitive. In any case, "hafa" and "þýtt" need to be taken together. --Cessator 28. júní 2011 kl. 19:45 (UTC)

Íslenskt mál virðist rauna vera fult af áráttum, og til er alltaf eitthvað að læra, jafnvel hvað málfræði varðar! I'd agree that a periphrastic past tense would be the best label for "hafa þýtt" here, as there's probably no way to forge a þáliðin tíð in such a sentence:

"Orðið grótta merkir jarðfall eða hola, en það gæti einnig hafa haft þýtt hellir, sbr „grotta“ í sænsku." -->this is most probably impossible. What'd you say?

i.e. this periphrastic past tense would correspond to all the three pasts (the simple þátíð, núliðin þátíð and þáliðin þátíð) in sentences such, that another (modal) verb assumes the main verb position and requires that the other verbs be "on the whole" an infinitive.

From that, we could say that while the present progressive is able to function both as an infinitive "on the whole":

"Ég mun vera að syngja á morgun."

and as a supine "on the whole" (that's the term foreign Icelandic grammars give to the Neuter Accusative/Nominative of the lýsingarháttur þátíðar: t.d. verið, borið, sungið):

Again: "Ég gæti verið að syngja."

a periphrastic past is only able to be infinitive "on the whole". Wisapi 28. júní 2011 kl. 22:26 (UTC)

4-5 í röð

Sæll Cessator. Hvernig set ég inn myndir þvert í röð yfir síðuna? Dæmi Þuríður Sigurðardóttir. -Kristján Frímann Kristjánsson 2. júlí 2011 kl. 00:20 (UTC) Takk fyrir.

Best að nota skipunina <gallery></gallery>. Þetta er komið núna. --Cessator 2. júlí 2011 kl. 15:32 (UTC)

Takk kærlega. Þetta setur aðra vídd í síðuna. - Kristján Frímann Kristjánsson 2. júlí 2011 kl. 17:37 (UTC)

Sysop verndunarstig á Disney greinum.

Sæll, Cessator

Vélmenni sem vinna að tungumálutenglum geta ekki sett inn tungumálatengla á greinar sem eru alverndaðar. Í stað þess safnast upp mikið samansafn tungumálatengla. Þetta vandamál á við um margar af greinum um Disney kvikmyndir. Gott dæmi er greinin Vefur Karlottu (kvikmynd 1973) en þar bíða 15 tungumálatenglar eftir því að vera bætt við í greinina. Er einhver möguleiki á því að lækka verndunarstigið niður í hálfverndun, eða er eitthver sérstök ástæða fyrir því að þetta þarf að vera svona?--Snaevar 28. júlí 2011 kl. 00:20 (UTC)

Já, auðvitað er það möguleiki. Vandinn er að skemmdarverk eru svo tíð á þessum síðum að það næstum því borgar sig að alvernda þær. En þetta með tungumálatenglana er auðvitað vandamál líka. Kannski er best að lækka verndunarstigið eins og þú leggur til þannig að einungis óinnskráðir og nýir notendur geti ekki breytt þeim? Væri það betra? Gætu þá vélmennin samt gert það sem þau þurfa að gera? --Cessator 28. júlí 2011 kl. 00:34 (UTC)

Já, vélmenni geta breytt greinum sem eru hálfverndaðar.--Snaevar 28. júlí 2011 kl. 01:00 (UTC)

Afsakið.. Dimbilvika

þetta átti nú bara að vera létt grín milli okkar félagana og ætlaði ég að eyða þessari síðu svo í lok vikunnar.. datt bara engan vegin í hug að íslenska Wiki væri svona aktíf ! engin möguleiki að hafa þessa síðu uppi við í mesta lagi út vikuna ?

annars ef ekki, væri hægt að fá greinina aftur? ég gerði ekkert afrit af henni..

Wikipedia er alfræðirit en ekki vefhýsing fyrir létt grín. Þannig að nei, það er ekki möguleiki á að hafa þessa síðu út vikuna. Textinn þinn er hér fyrir neðan. --Cessator 5. september 2011 kl. 11:30 (UTC)

takk takk :) að sjálfsögðu mun ég finna bara síðu sem hentar svona gríni :)

Björgvin Gíslason gítarleikari

Sæll. Fyrirgefðu en hvers vegna eyddirðu síðunni um Björgvin Gíslason? Kristján Frímann Kristjánsson 6. september 2011 kl. 22:45 (UTC)

Sæll. Ég eyddi henni ekki, ég færði hana á Björgvin Gíslason. Það samrýmist ekki venjum Wikipediu um titla greina að hafa starfsheiti eða lýsingu eins og gítarleikari og það er enginn annar Björgvin Gíslason í alfræðiritinu eins og er. Svo það er upplagt að greinin heiti bara Björgvin Gíslason. --Cessator 6. september 2011 kl. 22:46 (UTC)

Ok, sorry, skil. Takk - Kristján Frímann Kristjánsson 6. september 2011 kl. 22:49 (UTC)

Áttu þetta til á grísku - þe skrifað með grísku letri?

Parois ontos dsi tw apcticw o derinos tropikos cuclo. Þýtt: Þar er hvarfbaugur ígildi heimskautsbaugs. Þegar ég dró saman upplýsingar sem síðan urðu að Heiti yfir Ísland þá fann ég þetta bara skrifað með latnesku letri, en átt þú þetta til með grísku? --89.160.147.231 14. september 2011 kl. 17:15 (UTC)

Sæl/l, nei, hef aldrei séð þetta áður. Það má geta sér til hvernig þetta ætti að líta út en ég átta mig, satt að segja, ekki á öllu, eins og t.d. hvað dsi ætti að vera. (varla δσι) --Cessator 15. september 2011 kl. 13:39 (UTC)

pipar\tbwa

(og öll framlög voru frá 'Pipar-tbwa'))

Finn ekkert um að það sé ekki leyfilegt.

Hitt atriðið erum við að skoða og láta laga, og þótti sanngjarnt.

Um að hvað sé ekki leyfilegt? Og hvert er „hitt“ atriðið? Athugaðu að Wikipedia er alfræðirit en ekki vettvangur auglýsinga og efni greina verður að vera hlutlaust, sannreynanlegt í traustum en óháðum heimildum. --Cessator 21. september 2011 kl. 20:17 (UTC)

Íslenskir tónlistarmenn

Sæll Ég gerði fyrir nokkru síðu um Þuríði Sigurðardóttur söngkonu. Í gær tók ég eftir að önnur síða á sama nafni er á Wikipedia og hún er auð. http://is.wikipedia.org/wiki/%C3%9Eur%C3%AD%C3%B0ur_sigur%C3%B0ard%C3%B3ttir Get é skilgreint tónlistarfólk betur í titli til að koma í veg fyrir misskilning með síður? Takk fyrir -Kristján Frímann Kristjánsson 12. október 2011 kl. 07:54 (UTC)

Síðan Þuríður Sigurðardóttir er ekki auð. Síðan sem þú tengdir í er Þuríður sigurðardóttir með litlu s'i. Sú síða á að líkindum ekki að vera til. Ef þú þarft að aðgreina eina Þuríði Sigríðardóttur frá annarri, þá er það yfirleitt með fæðingarári í sviga á eftir nafninu. --Cessator 12. október 2011 kl. 15:49 (UTC)

Takk fyrir þetta. Tekur þú á út Þuríði með litlu essi? Svo langar mig að vita hvað er næsta stærð fyrir ofan "thumb" við innsetningu á myndum. Þegar maður gerir "gallery" af myndum þvert yfir síðu, hvað geri ég til að hafa myndina sem birtist á síðunni, stærri en nú er? Takk - Kristján Frímann Kristjánsson 12. október 2011 kl. 22:04 (UTC)

Ég skil ekki: þarf að taka úr Þuríði með litlu essi? Greinin virðist ekki vera til og þ.a.l. þarf ekki að taka hana út. Hvað gallerý varðar, þá er langbest að leyfa greinunum að vera bara í thumb-stærð þar en ef smellt er á þær, þá verða þær stærri. Annars er svona almennt og yfirleitt hægt að skilgreina stærð mynda með því að gera: [[Mynd:Wiki.png|thumb|right|250px|Texti undir mynd]] þar sem talan fyrir framan px skilgreinir stærðina. --Cessator 13. október 2011 kl. 00:06 (UTC)

Jú, þannig er að ég nota: http://stats.grok.se/is/201109/%C3%BEur%C3%AD%C3%B0ur%20sigur%C3%B0ard%C3%B3ttir til að sjá hversu margir skoða síður á Wikipedia. Þegar ég slæ inn Þuríði, kemur alltaf auða síðan (þessi með litla essinu) upp, svo ég get ekki séð umferðina um Þuríði með stóru essi. Takk - Kristján Frímann Kristjánsson 13. október 2011 kl. 08:17 (UTC)

Skrítið, ég get séð umferðina um Þuríði með stóru essi: http://stats.grok.se/is/201109/Þuríður_Sigurðardóttir --Cessator 13. október 2011 kl. 14:59 (UTC)

Ég fæ alltaf tóman glugga á Þuríði Sigurðardóttur. Getur þú eytt þessari auðu síðu og þá málið væntanlega úr sögunni? -Kristján Frímann Kristjánsson 13. október 2011 kl. 21:53 (UTC)

Ég get ekki eytt síðu sem er ekki til. Hins vegar er Þuríður Sigurðardóttir til. Viltu eyða henni? --Cessator 14. október

2011 kl. 01:14 (UTC) Nei, náttúrlega ekki. -Kristján Frímann Kristjánsson 16. október 2011 kl. 14:02 (UTC)

Takk

Takk fyrir að flytja Kómódódreka. Það var ógætin prentvilla af mér. -- Lundgren8 (s · f) 21. október 2011 kl. 17:45 (UTC)

Ekkert mál :) --Cessator 21. október 2011 kl. 18:19 (UTC)

Má ég líka spyrja hvort þú þekkir íslenska orðið fyrir ”vexillologi” (”fánafræði”)? Takk! -- Lundgren8 (s · f) 21. október 2011 kl. 19:04 (UTC)

Það þekki ég ekki. Því miður. --Cessator 21. október 2011 kl. 19:08 (UTC)

Takk ennþá! -- Lundgren8 (s · f) 22. október 2011 kl. 08:53 (UTC)

Barrett Foa - mynd

Sæll Cessator

Ég var að setja mynda inn á Barrett Foa síðuna sem er síðan ekki nógu góð. Hvernig breyti ég um mynd og er hægt að eyða myndinni út, því ég hef lent í þessu áður á öðrum síðum að myndin hefur ekki virkað sem rétt og þegar ég breyti um þá fer þetta í klessu að mínu áliti. Er semsagt ekki enn komin upp á lagið með myndirnar og hvernig best er að breyta þeim. Ath 29.október 2011 kl. 16:37 (UTC)

Sæl Ath. Ef myndin er ekki góð, þá er fyrsta skrefið að finna aðra mynd. Annaðhvort er til betri mynd á Commons sem hægt er að nota eða það er ekki til nein önnur mynd og þá verður bara að hlaða henni inn. Ef það þarf að hlaða inn mynd er best að gera það á Commons en ekki hér, því þá er hægt að nota sömu myndina á öðrum Wikipedium og wiki-verkefnum líka. Ef þú vilt tengja í mynd sem er til á Commons, þá finnurðu skráarheiti hennar þar (t.d. Black_cat_yawning.jpg) og tengir í það hér alveg eins og venjulega (t.d.

Svartur kisi

[[Mynd:Black_cat_yawning.jpg|thumb|right|150px|Svartur kisi]]) og þá birtist hún er (sbr. myndina hér til hliðar). Þegar þetta er búið er næsta skref að merkja lélegu myndina til eyðingar með {{eyða}} og þá verður henni fyrr eða síðar eytt. --Cessator 29. október 2011 kl. 17:26 (UTC)

GedawyBot

Hi. I made a request for bot flag, I hope you approve it. Thanks.--محمد الجداوي 2. nóvember 2011 kl. 20:15 (UTC)

bolli drap kjartan

Ord = fóstbræðralag"" ad kjartan hafi drepið bolla??? ertu ekki ad grínast!? 85.220.102.20 15. nóvember 2011 kl. 23:38 (UTC)

Nei, ég er ekki að grínast. Hvernig svo sem þú vilt hafa þetta, þá er athugasemd innan sviga sem segir í hnotskurn "nei þetta var ekki svona" ekki viðeigandi viðbót í greinina. --Cessator 15. nóvember 2011 kl. 23:41 (UTC)

Minn punktur var nú að þetta er beinlínis rangt, Bolli vó Kjartan en ekki öfugt sbr:

http://www.snerpa.is/net/isl/laxdal.htm

...

Þá mælti Kjartan: "Bolli frændi, hví fórstu heiman ef þú vildir kyrr standa hjá? Og er þér nú það vænst að veita öðrum hvorum og reyna nú hversu Fótbítur dugi."

Bolli lét sem hann heyrði eigi.

Og er Óspakur sá að þeir mundu eigi bera af Kjartani þá eggjar hann Bolla á alla vega, kvað hann eigi mundu vilja vita þá skömm eftir sér að hafa heitið þeim vígsgangi og veita nú ekki "og var Kjartan oss þá þungur í skiptum er vér höfðum eigi jafnstórt til gert. Og ef Kjartan skal nú undan rekast þá mun þér Bolli svo sem oss skammt til afarkosta."

Þá brá Bolli Fótbít og snýr nú að Kjartani.

Þá mælti Kjartan til Bolla: "Víst ætlar þú nú frændi níðingsverk að gera en miklu þykir mér betra að þiggja banorð af þér frændi en veita þér það."

Síðan kastaði Kjartan vopnum og vildi þá eigi verja sig en þó var hann lítt sár en ákaflega vígmóður. Engi veitti Bolli svör máli Kjartans en þó veitti hann honum banasár. Bolli settist þegar undir herðar honum og andaðist Kjartan í knjám Bolla. Iðraðist Bolli þegar verksins og lýsti vígi á hendur sér. Bolli sendi þá Ósvífurssonu til héraðs en hann var eftir og Þórarinn hjá líkunum.

Og er þeir Ósvífurssynir komu til Lauga þá sögðu þeir tíðindin. Guðrún lét vel yfir og var þá bundið um höndina Þórólfs. Greri hún seint og varð honum aldregi meinlaus. Lík Kjartans var fært heim í Tungu. Síðan reið Bolli heim til Lauga. Guðrún gekk í móti honum og spurði hversu framorðið væri. Bolli kvað þá vera nær nóni dags þess.

Þá mælti Guðrún: "Misjöfn verða morgunverkin. Eg hefi spunnið tólf alna garn en þú hefir vegið Kjartan."

Bolli svarar: "Þó mætti mér það óhapp seint úr hug ganga þótt þú minntir mig ekki á það."

...

Gott og vel, breyttu þessu. En ekki skrifa nei í sviga. Þannig ætti texti í alfræðiriti ekki að líta út og kemur fáránlega út í augum lesanda. --Cessator 15. nóvember 2011 kl. 23:53 (UTC)

Búinn ad breyta. Læt eg svo lokið ad sinni.

Haltu endilega áfram að bæta greinar. :) --Cessator 16. nóvember 2011 kl. 00:46 (UTC)

Tenerife

Halló, gæti hjálpað að leiðrétta þessa grein væri mjög meta það. Þakka þér fyrir: Tenerife.--79.152.179.236 17. nóvember 2011 kl. 10:49 (UTC)

Myndir á síðu um Hallstein Sigurðsson myndhöggvara

Sæll Ég var að kíkja á síðuna um Hallstein Sigurðsson sem ég gerði 2007 og sá að mynirnar eru horfnar og að "Steinninn" tók þær út. Hann virðist ekki ver liðtækur á Wikipedia nú um stundir, þess vegna sný ég mér ti þín. Þessar myndir tók ég og vann fyrir síðuna og setti inn með mínu leyfi. Var myndunum hent vegna þess að skráningin var eitthað vitlaus hjá mér, eða? -Kristján Frímann Kristjánsson 22. nóvember 2011 kl. 18:09 (UTC)

Mér virðist hann hafa fært þessar myndir á gagnabankann Commons. En þar hefur þeim svo verið eytt af öðrum ástæðum (veit ekki hverjum). En ástæða Steinsins, að myndirnar séu nú á Commons, er því ekki lengur í gildi og þess vegna endurvakti ég myndirnar hérna. --Cessator 22. nóvember 2011 kl. 18:21 (UTC)

Sæll. Takk fyrir þetta. Vonandi fá þær að hanga inni um ókomna tíð. Get ég kannski gert eitthvað til að tryggja setu þeirra? - Kristján Frímann Kristjánsson 23. nóvember 2011 kl. 08:35 (UTC)

Ég veit það nú ekki, erfitt að lofa því. En það er alla vega hægt að endurvekja það sem einhverra hluta vegna er eytt. Svo að ekkert hverfur alveg. --Cessator 23. nóvember 2011 kl. 12:31 (UTC)

Skemmdarverk

Þegar ég fór núna inn á vefinn kom fram að skemmdarverk sett inn þann 6. desember síðastliðinn hafi verið fjarlægt og ég vildi bara fá að vita hver þau væru. Þessi tölva var keypt fyrir svona viku síðan og var fyrst notuð þá þannig ég skil ekki hvernig þetta gat gerst.— Þetta óundirritaða innlegg var skrifað af 78.40.254.32 (spjall) · framlög

Sæll. Það er ekki hægt að fullyrða að skemmdarverkið hafi verið unnið úr þinni tölvu og raunar er það aukaatriði úr hvaða tölvu það var unnið. Það var hins vegar unnið úr (einhverri) tölvu sem tengdist IP-tölunni 78.40.254.32. Þessi IP-tala hefur verið í notkun frá því áður en þú keyptir tölvuna þína og þá hefur einhver annar í gegnum aðra tölvu tengst henni og svo unnið hér skemmdarverk. Svo virðist sem IP-tala þessi (sbr. þetta) sé á vegum Nova hf. Vona að þetta svari spurningunni. Kv., --Cessator 30. desember 2011 kl. 04:53 (UTC)

Þýðing á ensku

Sæll. Hvernig er það, get ég þýtt grein t.d. "Björgvin Gíslason" og sett hana inn á ensku útgáfuna af Wikipedia? - Kristján Frímann Kristjánsson 4. febrúar 2012 kl. 13:12 (UTC)

Sæll. Já, þú mátt það. Hins vegar gera þeir á ensku útgáfu Wikipediunnar svolítið meiri kröfur um markverðugleika og sannreynanleika en oft er hérna. Þannig að ekki láta þér bregða ef þú færð allt að því harkaleg viðbrögð. --Cessator 4. febrúar 2012 kl. 17:39 (UTC)

fimbulkuldi

hvernig er hægt að skrifa hundrað orð um ritgerð — Þetta óundirritaða innlegg var skrifað af 85.220.98.169 (spjall) · framlög

...með því að einbeeita sér að því? Ég er ekki viss um að ég skilji hvað þú ert að fara. --Cessator 1. mars 2012 kl. 01:25 (UTC)