Lyfjaofgjöf

Úr Wikipediu, frjálsa alfræðiritinu
Stökkva á: flakk, leita
Methylphenidat generics germany.jpg

Lyfjaofjöf er hugtak notað um það þegar sjúklingur er á of mörgum lyfjum í einu eða ef fleiri lyf eru notuð heldur en þörf er á. Ekki má rugla hugtakinu saman við fjöllyfjameðferð, en undir sumum kringumstæðum eins og í lyfjameðferð við alnæmi þarf að nota fleiri lyf en í hefðbundinni lyfjameðferð. Lyfjaofgjöf veldur hærri kostnaði og sjúklingurinn þarf að glíma við fleiri aukaverkanir heldur en ella. Lyfjaofgjöf er algengust meðal eldri borgara.

Aukaverkanir og víxlverkanir[breyta]

Öll lyf hafa mögulegar aukaverkanir þannig að með hverju lyfi sem sjúklingur er látinn taka aukalega eykst hættan á aukaverkunum.

Mörg lyf hafa geta einnig haft víxlerkanir þegar þau eru notuð ásamt öðrum lyfjum. Þannig að þegar nýju lyfi er bætt við lyfjakúr þá eykst hættan á víxlverkunum veldisvaxandi. Læknar og lyfjafræðingar reyna að forðast það að skrifa upp á lyf sem hafa víxlverkandi áhrif.