Leiðtogafundurinn í Genf (1955)

Úr Wikipediu, frjálsa alfræðiritinu
Stökkva á: flakk, leita

Leiðtogafundurinn í Genf var fundur ráðamanna fjögurra sterkustu hernaðarvelda heimsins haldinn í Genf í Sviss 18. júlí 1955. Til fundarins komu Dwight D. Eisenhower Bandaríkjaforseti, Anthony Eden forsætisráðherra Bretlands, Nikolaj Búlganín forsætisráðherra Sovétríkjanna og Edgar Faure forsætisráðherra Frakklands, ásamt utanríkisráðherrunum John Foster Dulles, Harold Macmillan, Vjatsjeslav Mólotov og Antoine Pinay. Níkíta Krústsjev aðalritari Sovéska kommúnistaflokksins var líka á fundinum.

Tilgangur fundarins var að ræða um friðarmál: afvopnun, kjarnorkuvopn, verslunarhöft, alþjóðasamskipti o.s.frv. Ástæða fundarins var vaxandi áhyggjur af alþjóðlegu öryggi vegna Kalda stríðsins.