LL Cool J
| LL Cool J | |
|---|---|
 LL Cool J |
|
| Fæðingarnafn | James Todd Smith |
| Fædd(ur) | 14. janúar 1968 (45 ára) |
| Búseta | Bay Shore, Long Island í New York-borg í Bandaríkjunum |
| Ár virk(ur) | 1994 - |
| Helstu hlutverk | |
| Sam Hanna í NCIS: Los Angeles Marion Hill í In the House Julian Washington í Any Given Sunday Deacon ´Deke´ Kay í S.W.A.T. |
|
LL Cool J, réttu nafni James Todd Smith (f. 14. janúar 1968), er bandarískur rappari og leikari og meðal brautryðjenda á sviði rapptónlistar. LL Cool J stendur fyrir „Ladies Love Cool James“.
Einkalíf [breyta]
LL Cool J er fæddur og uppalinn í New York og hóf að semja og taka upp lög í kjallaranum heima hjá sér þegar hann var níu ára.
LL Cool J skrifaði og gaf út ævisögu sína árið 1998 og heitir hún I Make My Own Rules. Í henni fjallar hann opinskátt um ýmislegt, gott og slæmt, í lífi sínu, hvernig hann lærði af mistökum sínum og hvernig tónlistarbransinn er fullur af fólki sem reynir að nota sér nýliða.
LL Cool J hefur komið á fót sinni eigin tískufatalínu, James Todd Smith ot átti einnig þátt í því að koma á fót tískufatalínunni FUBU (For Us, By US).
Hann giftist Simone Johnson árið 1995 og saman eiga þau fjögur börn.
Tónlistarferill [breyta]
Ferill hans hófst árið 1994, þegar hann gerði samning við hljómplötuútgefandann Def Jam og gaf út smáskífuna I Need a Beat, sem vakti mikla athygli meðal rappaðdáenda. Lagið var fyrsta lag Def Jam til að ná miklum vinsældum og seldist í yfir hundrað þúsund eintökum. Eftir góð viðbrögð við laginu hætti LL Cool J í skóla og sneri sér að upptökum á sinni fyrstu sólóplötu sinni.
Radio (1985) [breyta]
Radio, kom út árið 1985. Platan fékk góða dóma og var sú fyrsta í sögu rapptónlistar þar sem snið venjulegra sönglaga var notað til að gera poppvænt rapp.[1] Lögin „I Can't Live Without My Radio“ og „Rock the Bells“ náðu miklum vinsældum og urðu til þess að platan seldist í yfir milljón eintökum.
Bigger and Deffer (1987) [breyta]
Árið 1987 kom út Bigger and Deffer. Platan innihélt ballöðuna „I Need Love“, sem var meðal fyrstu poppvænu rapplaga til að komast á vinsældarlista.
Walking with a Panther (1989) [breyta]
Ekki voru þó allir ánægðir með þessa poppvænu útgáfu rapps, sem sýndi sig þegar þriðja plata hans, Walking with a Panther kom út. Platan innihélt lögin „Going Back to Cali“, „I'm That Type of Guy“, „Jingling Baby“ og „Big Ole Butt“.
Mama Said Knock You Out (1990) [breyta]
LL Cool J gaf síðan út Mama Said Knock You Out árið 1990, sem var sú allra grófasta sem hann hafði gefið út. Platan jók vinsældir hans á ný, auk þess að bæta orðspor hans verulega meðal rappaðdáenda. Meðal laga á plötunni er „Around the Way Girl“, sem náði miklum vinsældum.
14 Shots to the Dome (1993) [breyta]
Hann gaf út plötuna 14 Shots to the Dome árið 1993. Sú plata seldist illa og fékk afar misjafna dóma.
Mr. Smith (1995) [breyta]
Árið 1995 kom svo út hans sjötta hljómplata, Mr. Smith. Platan seldist í yfir tveimur milljónum eintaka og lögin „Doin' It“, „Loungin“ og „Hey Lover“ (ásamt Boyz II Men) komust á vinsældarlista.
Phenomenon (1997) [breyta]
Tveimur árum síðar gaf hann út plötuna Phenomenon. Samnefnt lag náði nokkrum vinsældum.
G.O.A.T. (2000) [breyta]
Árið 2000 þá gaf LL Cool J út plötuna G.O.A.T., sem stendur fyrir „greatest of all time“. Komst hún í fyrsta sæti á Billboard listanum og varð platínu plata.[2] LL Cool J þakkaði Canibus fyrir innblástur á plötunni.
10 (2002) [breyta]
Næsta plata LL Cool J's var 10 frá 2002, sem var níunda plata hans og innihélt lögin „Paradise“ ásamt Amerie, „Luv U Better“, framleitt af Neptunes og 2003 dúettinn með Jennifer Lopez All I Have.
The DEFinition (2004) [breyta]
The DEFinition var gefin út 2004. Platan náði fjórða sæti á Billboard listanum. Framleiðendur voru Timbaland, 7 Aurelius, R. Kelly ásamt öðrum. Aðallag plötunnar var framleitt af Timbaland "Headsprung," sem náði #16 sæti á Billboard Hot 100.
Todd Smith (2006) [breyta]
Ellefta plata LL Cool J's var Todd Smith sem kom út árið 2006. Inniheldur platan samstarf með 112 hljómsveitinni, Ginuwine, Juelz Santana, Teairra Mari og Freeway.
Exit 13 (2008) [breyta]
Í júlí 2006, þá tilkynnti LL Cool J að seinasta plata hans með Def Jam plötufyrirtækinu væri Exit 13. Upprunalega átt 50 Cent að vera yfirframleiðandi plötunnar.[3] Exit 13 átt að koma út haustið 2006 en því var frestað um tvö ár til ársins 2008 án 50 Cent sem yfirframleiðanda. Lög sem þeir unnu að saman láku á netið og sum af þeim lögum sem 50 Cent gerði komust á plötuna.
LL Cool J myndaði samstarf við DJ Kay Slay í því skyni að gefa út mixplötu sem kallaðist "The Return of the G.O.A.T.". Var þetta fyrsta mixplatan hans í 24 ár og innihélt freestyling eftir LL Cool J ásamt öðrum röppurum. Lagið "Hi Haterz" lak á internetið 1.júní 2008. Lagið inniheldur LL Cool J að rappa við hljóðfæraleik Maino's "Hi Hater". LL Cool J var upphitari fyrir Janet Jackson á Rock Witchu tónleikatferðalagi hennar, komu þau fram í Los Angeles, Chicago, Toronto, og Kansasborg.
NCIS: No Crew Is Superior [breyta]
Í september 2009, þá gaf LL Cool J út lag tengt NCIS: Los Angeles sjónvarpsseríunni og má finna það á iTunes. Lagið byggist á reynslu hans á því að leika NCIS alríkisfulltrúann Sam Hanna og eftir að hafa hitt alvöru NCIS alríkisfullrúa og meðlimi bandaríska sjóhersins.[4]
Kvikmynda-og sjónvarpsferill [breyta]
Sjónvarp [breyta]
LL Cool J byrjaði feril sinn í sjónvarpi í The Adventures of Pete & Pete árið 1994. Hefur hann síðan þá komið fram sem gestaleikari í þáttum á borð við: Oz, House og 30 Rock. Árið 1995 þá var honum boðið hlutverk í In the House sem Marion Hill sem hann lék til ársins 1999. Hefur hann síðan 2009 leikið eitt af aðalhlutverkunum í NCIS: Los Angeles, sem NCIS alríkisfulltrúinn Sam Hanna.
Kvikmyndir [breyta]
Fyrsta hlutverk LL Cool J í kvikmyndum var árið 1986 í Wildcats þar sem hann lék rappara. Síðan þá hefur hann komið fram í kvikmyndum á borð við: Toys, Woo, Halloween H20: 20 Years Later og Deep Blue Sea. Árið 1999 þá lék hann á móti Al Pacino, Cameron Diaz, Dennis Quaid, James Woods og Jamie Foxx í ruðningsboltamyndinni Any Given Sunday. Lék hann síðan á móti Colin Farrell og Samuel L. Jackson í lögreglumyndinni S.W.A.T. sem sérsveitarmaðurinn Deacon „Deke“ Kay.
Kvikmyndir og sjónvarp [breyta]
| Kvikmyndir | |||
|---|---|---|---|
| Ár | Kvikmynd | Hlutverk | Athugasemd |
| 1986 | Wildcats | Rappari | sem L.L. Cool J |
| 1991 | The Hard Way | Rannsóknarfulltrúinn Billy, NYPD | |
| 1992 | Toys | Kapteinn Patrick Zevo | |
| 1995 | Out-of-Sync | Jason St. Julian | |
| 1998 | Caught Up | Roger | |
| 1998 | Woo | Darryl | |
| 1998 | Halloween H20: 20 Years Later | Ronald ´Ronny´ Jones | |
| 1999 | Deep Blue Sea | Presturinn | |
| 1999 | In Too Deep | Dwayne Gittens Guð |
|
| 1999 | Any Given Sunday | Julian Washington | |
| 2000 | Charlie´s Angels | Mr. Jones | |
| 1991 | Kingdom Come | Ray Bud Slocumb | |
| 2002 | Rollerball | Marcus Ridley | |
| 2003 | Deliver Us from Eva | Raymond ´Ray´ Adams | sem James Todd Smith eða LL Cool J |
| 2003 | S.W.A.T. | Deacon ´Deke´ Kay | sem James Todd Smith eða LL Cool J |
| 2004 | Mindhunters | Gabe Jensen | sem James Tood Smith eða LL Cool J |
| 2005 | Slow Burn | Luther Pinks | sem James Todd Smith |
| 2005 | Edison | Deed | |
| 2006 | Last Holiday | Sean Matthews | |
| 2008 | The Deal | Bobby Mason | |
| Sjónvarp | |||
| Ár | Titill | Hlutverk | Athugasemd |
| 1994 | Adventures of Pete & Pete | Mr. Throneberry | Þáttur: Sick Day |
| 1996 | The Right to Remain Silent | Charles Red Taylor | Sjónvarpsmynd |
| 1998 | Oz | Jiggy Walker | Þáttur: Strange Bedfellows |
| 1995-1999 | In the House | Marion Hill | 76 þættir |
| 2005 | House | Clarence | Þáttur: Acceptance |
| 2007 | The Man | Manny Baxter | Sjónvarpsmynd |
| 2007 | 30 Rock | Ridikolus | Þáttur: The Source awards |
| 2009 | NCIS | Sam Hanna | 2 þættir |
| 2009- | NCIS: Los Angeles | Sam Hanna | 55 þættir |
Verðlaun og tilnefningar [breyta]
American Music-verðlaunin
- 1991: Tilnefndur fyrir bestu plötuna Mama Said Knock You Out fyrir Rapp/Hip-Hop.
- 1991: Tilnefndur sem besti karlsöngvarinn fyrir soul/rhythm og blues.
- 1987: Tilnefndur sem besti karlsöngvarinn fyrir soul/rhythm og blues.
- 1987: Tilnefndur fyrir bestu plötuna Bigger and Deffer fyrir soul/rhythm og blues.
BET Comedy-verðlaunin
- 2004: Verðlaun sem besti leikari í kvikmynd fyrir Deliver Us from Eva.
BET Hip Hop-verðlaunin
- 2006: Verðlaun sem Framleiðandi ársins.
- 2006: Verðlaun sem Video leikstjóri ársins.
- 2006: Tilnefndur sem Video leikstjóri ársins.
Black Reel-verðlaunin
- 2004: Tilnefndur sem besti leikari fyrir Deliver Us from Eva.
- 2004: Tilnefndur fyrir besta lagið fyrir Deliver Us From Eva með Ameriie.
Blockbuster Entertainment-verðlaunin
- 2000: Verðlaun sem besti aukaleikari í spennumynd fyrir Deep Blue Sea.
- 1999: Tilnefndur sem besti aukaleikari í hryllingsmynd fyrir Halloween H20: 20 Years Later.
BRIT-verðlaunin
- 1998: Tilnefndur sem alþjóðlegi karlsöngvarinn sem sólóisti.
Grammy-verðlaunin
- 2005: Tilnefndur fyrir bestu rapp plötu ársins fyrir The Definition.
- 2004: Tilnefndur fyrir besta rapp/söng samstarf.
- 1997: Tilnefndur fyrir besta rapp flutning sem sólóisti.
- 1997: Verðlaun fyrir besta rapp flutning sem sólóisti.
- 1997: Tilnefndur fyrir bestu rapp plötu ársins fyrir Mr. Smith.
- 1994: Tilnefndur fyrir besta rapp flutning sem sólóisti.
- 1993: Tilnefndur fyrir besta rapp flutning sem sólóisti.
- 1992: Verðlaun fyrir besta rapp flutning sem sólóisti.
- 1989: Tilnefndur fyrir besta rapp flutning.
Image-verðlaunin
- 2011: Verðlaun sem besti leikari í dramaseríu fyrir NCIS: Los Angeles.
- 2010: Tilnefndur sem besti leikari í dramaseríu fyrir NCIS: Los Angeles.
- 2000: Tilnefndur sem besti aukaleikari í kvikmynd fyrir Deep Blue Sea.
- 1999: Tilnefndur sem besti leikari í grínseríu fyrir In the House.
- 1997: Tilnefndur sem besti leikari í grínseríur fyrir In the House.
- 1996: Tilnefndur sem besti leikari í grínseríur fyrir In the House.
Kid's Choice-verðlaunin
- 1997: Tilnefndur sem uppáhalds leikari í sjónvarpi fyrir In the House.
MTV Video Music-verðlaunin
- 1996: Tilnefndur fyrir besta rappvideóið.
- 1991: Verðlaun fyrir besta rappvideóið.
- 1991: Tilnefndur fyrir bestu kvikmyndatökuna.
ShoWest Convention
- 2003: Verðlaun sem rísandi stjarna morgundagsins.
Soul Train Music-verðlaunin
- 2004: Tilnefndur fyrir bestu RB/soul eða Rapp dans senuna.
- 2002: Tilnefndur fyrir bestu RB/soul eða Rap plötu ársins fyrir 10.
- 2002: Quincy Jones verðlaunin fyrir afrek á ferlinum.
- 1987: Verðlaun fyrir besta rapplagið.
- 1987: Verðlaun fyrir bestu rapp plötuna fyrir Bigger Deffer.
Teen Choice-verðlaunin
- 2011: Tilnefndur sem besti leikari í spennuþætti fyrir NCIS: Los Angeles.
- 2010: Tilnefndur sem besti leikari í spennuþætti fyrir NCIS: Los Angeles.
- 2006: Tilnefndur fyrir besta kossinn fyrir Last Holiday með Queen Latifah.
- 2005: Tilnefndur sem besti rapparinn í kvikmynd fyrir Mindhunters.
Tilvísanir [breyta]
- ↑ Hirschberg, Lynn. „The Music Man“, New York Times Magazine, 2. september 2007.
- ↑ „Biography - LL Cool J“. Billboard. Skoðuð 24 mars 2011.
- ↑ Moss, Corey (July 5, 2006). „50 Cent, LL Cool J Teaming Up For LP - News Story Music, Celebrity, Artist News | MTV News“. Mtv. Skoðuð March 24, 2011 .
- ↑ Adam Bryant. "VIDEO: Check out LL Cool J's New NCIS:LA-Inspired Song", TVGuide.com, 15. september 2009. Sótt 15. september.
Heimildir [breyta]
- Fyrirmynd greinarinnar var „LL Cool J“ á ensku útgáfu Wikipedia. Sótt 10. október 2011.
- LL Cool J á Internet Movie Database
- http://www.metrolyrics.com/ll-cool-j-awards-featured.html LL Cool J á MetroLyrics heimasíðunni
Tenglar [breyta]
- LL Cool J á Internet Movie Database
- http://www.metrolyrics.com/ll-cool-j-awards-featured.html LL Cool J á MetroLyrics heimasíðunni
- http://www.islanddefjam.com/artist/home.aspx?artistID=7309 LL Cool J á Def Jam heimasíðunni
- http://www.cbs.com/shows/ncis_los_angeles/cast/ LL Cool J á NCIS: Los Angeles heimasíðunni á CBSsjónvarpsstöðinni
