Léttlest
Léttlest er járnbrautarlest, sem notuð er við almenningssamgöngur í borgum og í öðrum þéttbýlum svæðum. Léttlestarkerfi er einskonar millistig á milli sporvagns og snarlestar. Léttlestir bera oftast færri farþega en snarlestir og eru ekki eins hraðskreiðar, en þær eru aftur á móti hraðskreiðari og geta tekið fleiri farþega en sporvagnar. Ein sérstaða léttlesta er sú að þær geta bæði gengið á sér sporum aðskildar frá umferð og á spori ásamt umferð. Flestar léttlestir eru knúnar áfram með rafmagni en þó eru til lestir sem notast við Díselolíu.
Samanburður við önnur lestarkerfi [breyta]
| Gerð | Snarlest | Léttlest | Sporvagn |
|---|---|---|---|
| Framleiðandi | Rohr | Siemens St. | Louis Car |
| Tegund | Bart A-Car | S70 | PCC |
| Breidd | 3,2 m | 2,7 m | 2,5 m |
| Lengd | 22,9 m | 27,7 m | 14,2 m |
| Burðargeta | Hámark 150 manns | Hámark 220 manns | Hámark 65 manns |
| Hámarkshraði | 125km/klst | 106km/klst | 70km/klst |
Léttlestir á Íslandi [breyta]
Komið hafa upp hugmyndir um að koma á fæti léttlestakerfi á höfuðborgarsvæðinu. Drög að hugsanlegu kerfi má sjá á aðalskipulagi Reykjavíkur 2001-2004. Gagnrýnt hefur verið að sá kostnaður sem færi í slíka framkvæmd væri of mikill miðað við þá kosti sem því fylgdi. Frekar ætti að fjárfesta í mun afkastameira snarlestakerfi.
