Krupp

Úr Wikipediu, frjálsa alfræðiritinu
Alfred Krupp (1812-87. Alfred var langafi Alfried Krupp.
Vopnaframleiðsla hjá Krupp árið 1905

Krupp er 400 ára fjölskylduveldi frá Essen í Þýskalandi. Krupp fjölskyldan er þekkt fyrir stál- og vopnaframleiðslu. Á síðari árum nefndist fjölskyldufyrirtækið: Friedrich Krupp AG Hoesch-Krupp en það fyrirtæki sameinaðist síðan Thyssen AG árið 1999 og varð að samsteypunni ThyssenKrupp AG. Krupp er notað sem orðatiltæki í Þýskalandi um afbragðsgott stál og sagt er Hart wie Kruppstahl (hart eins og Kruppstál).

Fjölskyldufyrirtækið var stofnað árið 1811 í Essen. Í fyrstu var fyrirtækið þekktast fyrir málmsteypu sína í Ruhrhéraðinu og vopnaframleiðslu bæði fyrir innanlandsmarkað í Þýskalandi en einnig til annarra landa. Í fyrri heimstyrjöldinni seldi Krupp vopn til beggja stríðandi fylkinga. Krupp tók fljótt upp samstarf við Adolf Hitler og vann að hervæðingu Þýskalands á millistríðsárunum.

Eftir seinni heimstyrjöldina voru Krupp stjórnendur ásakaðir um stríðsglæpi í Nürnberg réttarhöldunum og um þrælahald og var Alfried Krupp dæmdur í 12 ára fangelsi. Hann var látinn laus eftir þrjú ár.

Heimild[breyta | breyta frumkóða]

Fyrirmynd greinarinnar var „Krupp“ á dönsku útgáfu Wikipedia. Sótt 24. júlí 2008.