Krummi svaf í klettagjá

Úr Wikipediu, frjálsa alfræðiritinu
Stökkva á: flakk, leita
Einkennismerki Wikiheimildar
Á Wikiheimild er að finna texta sem tengist


Krummi svaf í klettagjá er íslensk þjóðvísa eftir Jón Thoroddsen[1], lagið við vísuna er í 4/4 takti í frýgískri tóntegund.

Texti[breyta]

Nótur við lagið Krummi svaf í klettagjá.
Hér er texti fyrir lagið:[1]
Krummi svaf í klettagjá,
kaldri vetrarnóttu á,
 ::verður margt að meini::
Fyrr en dagur fagur rann,
freðið nefið dregur hann
 ::undan stórum steini.::
Allt er frosið úti gor,
ekkert fæst við ströndu mor
 ::svengd er metti mína.::
Ef að húsum heim ég fer
heimafrakkur bannar mér
 ::seppi´ úr sorp að tína.::
Öll er þakin ísi jörð,
ekki séð á holtabörð
 ::fleygir fuglar geta.::
En þó leiti út um mó,
auða hvergi lítur tó;
 ::hvað á hrafn að éta.::
Á sér krummi ýfði stél,
einnig brýndi gogginn vel,
 ::flaug úr fjallagjótum::
Lítur yfir byggð og bú
á bænum fyrr en vakna hjú,
 ::veifar vængjum skjótum.::
Sálaður á síðu lá
sauður feitur garði hjá,
 ::fyrrum frár á velli.::
Krunk, krunk, nafnar, komið hér,
krunk, krunk, því oss búin er
 ::krás á köldu svelli.::

Neðanmálsgreinar[breyta]

  1. 1,0 1,1 Texti fyrir 1, 2, 4 og 5. erindi og nótur