Kristur
Úr Wikipediu, frjálsa alfræðiritinu
Kristur er íslenskun af gríska orðinu Χριστός (umskrifað með latneskum bókstöfum Khristós), sem þýðir „smurður“. Gríska orðið Khristós (hinn smurði) er bókstafleg þýðing á hebreska hugtakinu „mashiach“ sem á íslensku er „messías“. Kristin trú er nefnd eftir hugtakinu Kristur, sem er titill gefinn Jesú frá Nasaret. Kristur er alltaf skrifað með stórum upphafsstaf í bókstaflegri þýðingu Hinn smurði. Í þýðingum Nýja testamentisins eru grísku orðin Ιησούς Χριστός og samsvarandi orðalag næstum alltaf þýdd sem Jesús Kristur sem veldur því að margir halda að Kristur hafi verið hluti af nafni Jesú frá Nasaret. Í upphafi Íslandsbyggðar var Kristur oftast nefndur Hvíti Kristur eða Hvítakristur.
