Knattspyrnufélagið Þróttur

Úr Wikipediu, frjálsa alfræðiritinu
Stökkva á: flakk, leita
Knattspyrnufélagið Þróttur
Þróttur R..png
Fullt nafn Knattspyrnufélagið Þróttur
Gælunafn/nöfn Þróttarar
Köttarar
Stytt nafn Þróttur (Skammstöfun: KÞ)
Stofnað 1949
Leikvöllur Valbjarnarvöllur
Stærð um 500
Knattspyrnustjóri Gregg Ryder
Deild 1. deild karla í knattspyrnu
2013 10. sæti
Heimabúningur
Útibúningur


Knattspyrnufélagið Þróttur var stofnað 5. ágúst 1949 í herbragga við svonefnda Grímstaðavör við Ægissíðu. Stofnendur félagsins voru Halldór Sigurðsson kaupmaður, sem var fyrirmyndin að Tomma í bókum Einars Kárasonar um Djöflaeyjuna, og Eyjólfur Jónsson, síðar lögreglumaður og sundkappi.

Þrátt fyrir að vera í það fyrsta einungis knattspyrnufélag hafa Þróttarar keppt í öðrum greinum í gegnum tíðina, þó mest áhersla hafi verið lögð á knattspyrnuna síðustu ár. Félagið var starfrækt í vesturbæ Reykjavíkur til ársins 1969 þegar því úthlutað svæði við Sæviðarsund í póstnúmeri 104. Þar starfaði félagið til 1998 þegar því var formlega veitt svæði í Laugardalnum. Þar hefur félagið nú aðsetur. Formaður Þróttar er Sigurlaugur Ingólfsson, sagnfræðingur.

Knattspyrna[breyta]

Þróttur frá Reykjavík keppti fyrst á Íslandsmótinu í knattspyrnu 1953 og vann báða leiki sína. Þróttur var meðal þeirra sex liða sem kepptu í úrvalsdeild 1955 (fyrsta deildarkeppnin á Íslandi) og varð fyrsta liðið í íslenskri knattspyrnusögu til að sigra hana. Meistaraflokkur karla hjá Þrótti á það met að hafa unnið efstu deild oftast allra liða, en félagið hefur unnið efstu deild 10 sinnum. Þríveigis hefur liðið haldið sér í efstu deild lengur en eitt ár; fyrst 1978-1980 þá 1983-1985og loks 2008 - 2009. Þróttur hefur einu sinni fallið í 3. deildina og lék þar tvö leiktímabil, 1989og 1990. Ásgeir Elíasson hefur þjálfað Þrótt flest tímabil allra þjálfara meistaraflokks eða tíu (1981-1984 og 2000-2005). Þjálfarar síðustu árin hafa verið Magnús Jónatansson (1989-1991), Ólafur Jóhannesson (1992), Ágúst Hauksson (1993-1996), Willum Þór Þórsson (1997-1999), Ásgeir Elíasson (2000-2005), Atli Eðvaldsson (2005-2006), Gunnar Oddsson (2006-2009), Páll Einarsson (2009-2013), Zoran Milkjovic (2013) og Gregg Ryder (2013-. Á síðustu árum hefur Þróttur teflt fram kvennaliði og lék liðið í efstu deild sumarið 2011 en féll. Liðið endurheimti sæti sitt árið eftir og keppti í Pepsi deild kvenna sumarið 2013.

Aðalgrein knattspyrnudeild Þróttar:

Handknattleikur[breyta]

Strax við stofnun bar á áhuga á handknattleiksdeild innan félagsins, bæði meðal karla og kvenna. Vísir að henni var stofnaður 1951 og voru lið félagsins skráð til keppni strax um það leyti. Árið 1972 varð Óli Kr. Sigurðsson formaður deildarinnar og næstu árin hófst gullöld Þróttar í handboltanum. Meistaraflokkur liðsins komst í efstu deild 1980 og varð bikarmeistari í apríl 1981. Árið eftir komst liðið svo í undanúrslit Evrópubikarkeppninarinnar, en beið að lokum lægri hlut fyrir Dukla frá Prag. En Adam var ekki lengi í paradís því næstu ár lá leiðin niður við með starf meistaraflokks, liðið féll í aðra deild vorið 1986. Á þessum tíma voru helstu burðarásar liðsins farnir, s.s. Sigurður Sveinsson og Páll Ólafsson; sem báðir áttu eftir að gera það gott í atvinnumennskunni næstu ár. Um haustið 1986 var staðan orðið svo slæm að ákveðið var að senda ekki lið í meistaraflokki til leiks. Flokkurinn var síðar endurvakinn, en dofnaði út af aftur og árið 1990 lagðist deildin endanlega út af. Þróttur sendi í fyrsta sinn í mörg ár meistaraflokk karla til leiks á Íslandsmót, árið 2007.

Blak[breyta]

Þróttur sendi fyrst lið til keppni í blaki, kvenna og karla, 1974. Síðan þá hefur liðið skipað sér í fremstu röð blakliða landsins. Karlaliðið hefur orðið Íslandsmeistari 1977, 1981, 1982, 1983, 1984, 1985, 1986, 1987, 1990, 1996, 1997, 1999 og 2009. Auk þess hefur liðið orðið 14 sinnum bikarmeistari, fyrst 1977 og svo 1978, 1981, 1982, 1983, 1985, 1986, 1988, 1990, 1994, 1996, 1997, 1998 og nú síðast 2009. Kvennaliðið varð íslandsmeistari 1983 og svo aftur 2004, 2005, 2006 og 2007. Kvennalið Þróttar hefur orðið bikarmeistari þrisvar 2004, 2005 og nú síðast 2006.

Tennis[breyta]

Tennisdeild Þróttar var stofnuð 1990.

Tilvísanir[breyta]


Heimild[breyta]

Jón Birgir Pétursson: Lifi Þróttur. Knattspyrnufélagið Þróttur. 50 ára saga öflugs knattspyrnufélags. (Reykjavík 1999).

Tenglar[breyta]

Knattspyrna Flag of Iceland

BÍBol.png BÍ/Bolungarvík  • Fjölnir.png Fjölnir  • Knattspyrnufélagið Haukar.png Haukar  • Ihf.jpeg Höttur  • ÍR.png ÍR  • Knattspyrnufélag Akureyrar.png KA  • Leiknir.svg Leiknir
UMF Tindastóll.png Tindastóll/Hvöt  • VíkÓl.png Víkingur Ó.  • Knattspyrnufélagið Víkingur.png Víkingur R.  • Þór.png Þór  • Þróttur R..png Þróttur

Leiktímabil í 1. deild karla (1955-2012)

1951 • 1952 • 1953 • •1954• 195519561957195819591960
1961196219631964196519661967196819691970
1971197219731974197519761977197819791980
1981198219831984198519861987198819891990
1991199219931994199519961997199819992000
2001200220032004200520062007200820092010
201120122013 2014 • 2015 • 2016 • 2017 • 2018 • 2019 • 2020

Handball pictogram 1. deild karla í handknattleik • Lið í 1.deild karla 2013-2014 Flag of Iceland

UMFA.png Afturelding  • Fjölnir.png Fjölnir  • Fylkir.png Fylkir  • Grótta.png Grótta  • Hamrarnir  • ÍH  • KR Reykjavík.png KR  • UMFS.png Selfoss  •
Stjarnan.png Stjarnan  • Knattspyrnufélagið Víkingur.png Víkingur R.  • Þróttur R..png Þróttur R.