Kim Kardashian

Úr Wikipediu, frjálsa alfræðiritinu
Stökkva á: flakk, leita
Kim Kardashian
Kim Kardashian
Kardashian árið 2012
Fædd(ur) Kimberly Noel Kardashian
21. október 1980 (1980-10-21) (33 ára)
Fáni Bandaríkjana Los Angeles, Kalifornía
Þekktur fyrir Raunveruleikaþáttinn Keeping Up with the Kardashians
Starf/staða Athafnakona, leikkona, fyrirsæta
Hæð 1,59 m m
Foreldrar Kris Jenner
Robert Kardashian
Bruce Jenner (stjúpfaðir)

Kimberly Noel „Kim“ Kardashian (fædd 21. október 1980) er bandarísk athafnakona, fyrirsæta og leikkona. Hún er best þekkt fyrir að vera í raunveruleikaþáttnum Keeping Up with the Kardashians og Dancing With the Stars. Hún er annað barn Kris Jenner og Roberts Kardashian og stjúpdóttir íþróttamannsins Bruce Jenner.

Æska[breyta]

Kardashian fæddist í Los Angeles, Kaliforníu og er dóttir hins látna Roberts Kardashians og Kris Jenner (áður Houghton). Hún er af armenskum ættum en föðuramma hennar og afi eru armensk og tyrknesk en móðir hennar er af skoskum og hollenskum uppruna.

Kardashian á tvær systur, Kourtney og Khloé og einn bróður Robert. Hún á stjúpbræðurna Burton, Brandon og Brody Jenner, stjúsysturina Casey Jenner og hálfsysturnar Kendall og Kylie Jenner.

Í menntaskóla vann Kardashian við tónlistar-markaðsmynd föður síns, Movie Tunes.

Ferill[breyta]

Fyrsta hlutverk hennar var í sjónvarpsþættinum Beyond the Break. Hún lék síðan Lisu í myndinni Disaster Movie árið 2008. Kardashian lék lítið hlutverk í How I Met Your Mother þættinum „Benefits“. Hún mun leika í fyrsta þætti þriðju þáttaraðar 90210 ásamt systrum sínum, Khloe og Kourtney en þær munu leika þær sjálfar.

Fyrirsætustörf[breyta]

Kim hefur verið á forsíðum margra tímarita eins og Cosmopolitan og Ocean Drive Magazine og sat Kardashian nakin fyrir í desemberblaði Playboy árið 2007. Í febrúar 2008 tilkynnti Bongo Jeans að Kardashian myndi verða andlit þeirra. Kardashian er einnig fyrirsæta fyrir Travis Barker's Famous Stars og Straps-fatalínuna.

Kardashian hefur verið gesatdómari í America's Next Top Model og Brothers.

Keeping Up with the Kardashians[breyta]

Kardashian er ein af stjörnum raunveruleikaþáttarins Keeping Up with the Kardashians ásamt tveimur systrum sínum, móður, bróður, hálfsystrum og sjúpföður.

America's Next Top Model[breyta]

Kardashian var gestadómari í 13. þáttaröð America's Next Top Model

CSI: NY[breyta]

Kardashian var gestastjarna í þætti CBS, CSI: NY ásamt Vanessu Minnillo þann 14. desember 2009.

Dancing With the Stars[breyta]

Kardashian var ein af þrettán þátttakendum sjöundu þáttaraðar Dancing with the Stars. Hún var pöruð við núverandi sigurvegara þáttanna, Mark Balls. Kardashian endaði í 11. sæti og var þriðji keppandinn sem kosinn var heim.

Sjónvarpsþáttaframleiðandi[breyta]

Kardashian er framleiðandi SPINdustry, raunveruleikaþáttaraðar um Command PR, almannatengslafyrirtæki í New York, og er því stjórnað af Jonathan Cheban og Simon Huck. Þátturinn flygist með þeim þegar þeir koma sér fyrir á skrifstofum sínum í Los Angeles. Kardashian er vinkona beggja, sérstaklega Jonathans og bregður henni oft fyrir í þáttunum.

DVD[breyta]

Þann 2. maí 2008, gaf Kardashian út æfingadisk, Fit in your jeans by Friday by Kim Kardashian , röð þátta þar sem hún kennir fólki ýmsar æfingar með hjálp frá þjálfaranum Kathy Kaehler.

Einkalíf[breyta]

Árið 2000 giftist Kardashian tónlistarframleiðandanum Damon Thomas, en samband þeirra endaði með skilnaði árið 2004. Hún átti í ástarsambandi við R&B söngvarann Ray J árið 2007 en seinna það sama ár byrjaði hún með ruðningshetjunni Reggie Bush eftir að þau hittust á ESPY-verðlaununum. Parið sleit samvistum í lok júlí 2009. Þann 20. september 2009 sagði sjónvarpstöðin E! frá því að Kardashian hefði heimsótt Bush. "Brúðkaup Khloé varð til þess að hún saknaði hans, svo hún fór og heimsótti hann". Samkvæmt raunveruleikaþætti þeirra, byrjuðu þau aftur saman í október 2009, þrátt fyrir að hætta síðan aftur saman í mars 2010. Árið 2010 átti hún í stuttu sambandi við fótboltakappann Cristiano Ronaldo og sáust þau kyssast á veitingastað í Madríd í apríl 2010. Hún átti í sambandi við Miles Austin. Kim byrjaði síðan í sambandi með NBA leikmanninum Kris Humphries. Þau giftu sig 20.ágúst 2011 í Montecito, California. 31.október 2011 sótti Kim um skilnað efir aðeins 72 daga hjónaband.

Heimildir[breyta]

Fyrirmynd greinarinnar var „Kim Kardashian“ á ensku útgáfu Wikipedia. Sótt ágúst 2010.