Jared Padalecki
| Jared Padalecki | |
|---|---|
 Jared Padalecki |
|
| Fæðingarnafn | Jared Tristan Padalecki |
| Fædd(ur) | 19. júlí 1982 (29 ára) |
| Búseta | San Antonio Texas, Bandaríkin |
| Ár virk(ur) | 1999–present |
| Helstu hlutverk | |
| Sam Winchester í Supernatural Dean Forester í Gilmore Girls |
|
Jared Tristan Padalecki (fæddur 19. júlí 1982) er bandarískur leikari. Ólst hann upp í Texas og komst á kortið fyrir leik sinn árið 2000 í sjónvarpsþættinum Gilmore Girls. Padalecki er þekktastur fyrir að leika Sam Winchester í sjónvarpsþættinum Supernatural.
Efnisyfirlit |
[breyta] Einkalíf
Padalecki er fæddur í San Antonio í Texas og er af pólsk-amerískum og evrópskum-amerískum ættum. Padalecki byrjaði að taka leiklistartíma þegar hann var tólf ára. Jared stundaði nám við James Madison High School í San Antonio og var nefndur kandidat fyrir 2000 Presidential Scholars Program'. Árið 1998 unnu Padalecki og vinur hans Chris Cardenas National Forensic League ríkiskeppnina í Duo Interpretation. Padalecki vann Claim to Fame-keppnina sem Fox sjónvarpsstöðin hélt árið 1999; þar sem hann kom fram á Teen Choice Awards. Þar kynntist hann núverandi umboðsmanni sínum. Eftir að hafa útskrifast úr menntaskóla árið 2000, þá fluttist hann til Los Angeles, til þess að koma sér áfram í leiklistinni, þrátt fyrir að hafa ætlað í nám við Texas-háskólann í Austin.
Jared var trúlofaður leikkonunni Sandra McCoy sem hann lék með í myndinni Cry Wolf og trúlofuðust þau í byrjun árs 2008. Hættu þau saman í apríl 2008 og staðfesti Jared það á Supernatural Dallas ráðstefnunni til þess að stoppa orðróma.
Þann 27. janúar 2010 þá giftist Jared leikkonunni Genevieve Cortese sem lék með honum í Supernatural en þau kynntust við tökur á þættinum við gerð seríu fjögur. Jared og Genevieve eiga núna von á sínu fyrsta barni. [1][2]
[breyta] Ferill
Fyrsta hlutverk hans var árið 1999 í myndinni A Little Inside. Árið 2000, þá var hann valinn til þess að leika Dean Forester í sjónvarpsseríunni Gilmore Girls, hlutverk sem hann lék til ársins 2005. Kom fram í nokkrum sjónvarpsmyndum, eins og: Silent Witness, Close to Home og A Ring of Endless Light.
Hann kom fram í óskráðu hlutverki sem hálfgerður yfirgangsseggur í Cheaper by the Dozen myndinni frá 2003, Jared hafði upprunalega sótts eftir hlutverki Tom Wellings en gaf eftir til þess að leika í kynningarþætti sem hét Young MacGyver sem var aldrei tekinn upp. Árið 2004 kom hann fram með Mary-Kate og Ashley Olsen í gamanmyndinniNew York Minute og hafði lítið hlutverk í spennumyndinni Flight of the Phoenix frá árinu 2004. Árið 2005, þá lék Jared á móti Elisha Cuthbert, Chad Michael Murray og Paris Hilton í hryllingsmyndinni House of Wax og kom einnig fram í Cry Wolf. Sama ár þá byrjaði hann í sjónvarpsþættinum Supernatural, þar sem hann leikur Sam Winchester ásamt Jensen Ackles sem Dean Winchester. Supernatural er tekinn upp í Vancouver, Kanada og hafa til þessa sjö þáttaraðir verið gerðar en sú sjöunda var frumsýnd þann 23. september 2011.
Jared hefur verið kynnir fyrir raunveruleika-hryllingsþáttinn MTV Room 401.
Jared kom fram í myndinni The Christmas Cottage frá 2008, þar sem hann lék Thomas Kinkade.
Jared lék svo aðalhlutverkið í hryllingsmyndinni Friday the 13th, þar sem hann lék á móti Danielle Panabaker, myndin var frumsýnd föstudaginn 13. febrúar 2009. Lék hann Clay Miller, sem ferðast til Camp Crystal Lake í leit að systur sinni sem hafði horfði skyndilega.
[breyta] Kvikmyndir
| Kvikmynd | |||
|---|---|---|---|
| Ár | Kvikmynd | Hlutverk | Athugasemd |
| 1999 | A Little Inside | Matt Nelson | |
| 2000 | Silent Witness | Sam | Sjónvarpsmynd |
| 2002 | A Ring of Endless Light | Zachary Gray | |
| 2003 | Cheaper by the Dozen | Hrekkjusvín | óskrifaður á lista |
| 2004 | New York Minute | Trey Lipton | |
| 2004 | Flight of the Phoenix | John Davis | |
| 2005 | House of Wax | Wade | |
| 2008 | Cry Wolf | Tom | |
| 2008 | Thomas Kinkade's Home for Christmas | Thomas Kinkade | |
| 2009 | Friday the 13th | Clay Miller | |
| Sjónvarp | |||
| Ár | Titill | Hlutverk | Athugasemd |
| 2001 | ER | Paul Harris | Þáttur: Piece of Mind |
| 2000-2005 | Gilmore Girls | Dean Forester | 63 þættir |
| 2007 | Room 401 | Hann sjálfur | Kynnir |
| 2005-til dags | Supernatural | Sam Winchester | 149 Þættir |
| 2011 | Supernatural: The Animation | Sam Winchester | 9 þættir |
[breyta] Verðlaun og tilnefningar
SFX verðlaunin, Bretland
- 2008: Tilnefndur sem besti leikari fyrir Supernatural.
Teen Choice verðlaunin
- 2011: Tilnefndur sem besti leikari í Sci-Fi/Fantasy seríu fyrir Supernatural.
- 2007: Tilnefndur sem besti leikari í dramaseríu fyrir Supernatural.
- 2005: Tilnefndur sem nýjasta karlstjarnan fyrir House of Wax.
- 2002: Tilnefndur sem besti leikari í dramaseríu fyrir Gilmore Girls.
[breyta] Neðanmálsgreinar
- ↑ Godwin, Jennifer, Jared Padalecki and Genevieve Cortese Are Engaged, EOnline.com, 6 Jan 2010. Accessed 14 Feb 2009.
- ↑ Kubicek, John, Notes from the 'Supernatural' 100th Episode Party, BuddyTV.com, 2 Feb 2010. Quote: "Jared Padalecki talking sweetly about his recent engagement to former co-star Genevieve Cortese." Accessed 14 Feb 2010.
[breyta] Heimildir
- Fyrirmynd greinarinnar var „Jared Padalecki“ á ensku útgáfu Wikipedia. Sótt 20.nóvember 2011.
- Jared Padalecki á Internet Movie Database
