Jórturdýr
Úr Wikipediu, frjálsa alfræðiritinu
| Jórturdýr | ||||||||||
|---|---|---|---|---|---|---|---|---|---|---|
 Gíraffi (Giraffa camelopardalis) er jórturdýr
|
||||||||||
| Vísindaleg flokkun | ||||||||||
|
||||||||||
| Ættir | ||||||||||
Jórturdýr (fræðiheiti: Ruminantia) nefnast þau dýr sem eru grasætur og með hófa (eða klaufir í flestum tilfellum).
Aðaleinkenni jórturdýra er að þau melta fæðuna í tveimur stigum. Í fyrsta lagi grípur jórturdýr niður, tyggur þá grasið lítið sem ekkert og kyngir. Síðan elgir það fæðunni upp lítið eitt meltri (þ.e.a.s. selur henni upp í munnholið), tyggur hana þá aftur (jórtrar) og kyngir síðan enn á ný og þá taka örverur vambarinnar við og brjóta niður trénið í tuggunni.
Magi jórturdýra greinist í fjögur hólf, vömb (reticulum), kepp (rumen), laka (psalterium) og vinstur (abomasus).
Eiginleg jórturdýr (Pecora) greinast í slíðurhyrninga (með slóhorn, sem sitja alla æfi) og kvíslhyrninga með greinótt horn (sem falla tíðast árlega).
