Úr Wikipediu, frjálsa alfræðiritinu
Játmundur járnsíða, Játmundur sterki eða Játmundur 2. (989 – 30. nóvember 1016) var konungur Englands frá 23. apríl 1016 þar til hann lést 30. nóvember sama ár. Hann barðist gegn innrás víkingahers Knúts ríka sem réðst á England 1015 og naut meiri stuðnings hluta enska aðalsins en Játmundur. Eftir að hafa tekist að verja London fyrir umsátri Knúts laut hann í lægra haldi 18. október í orrustu við Ashingdon (Assatún) í Essex. Konungarnir gerðu þá með sér samkomulag þar sem Játmundur hélt Wessex en Knútur fékk öll lönd norðan við ána Thames og að ríki þess sem fyrr félli frá gengi sjálfkrafa í arf til hins. Rúmlega mánuði síðar lést Játmundur í Oxford eða London og lönd hans gengu til Knúts.
.svg){kind=small}
